Lukas 16:23 - ALLAH ANE WENW KET MEKE WAROGO WOKNINAKHIKHE WENE

²³ Nen, ebe watlatluk lageikharekma eloma lageikhesik motok weagat dogolik, he, elokhoken hebenokhogon liakhasikhe meke, Lazarus Abraham alilu werekma ileken liagisasikhe.

Lukas 16:23 Iomraidhean Croise

Matius 11:23

Nen, hit akhuni o Kapernaum meke yi hinakla nen, Allah nen pogot oba lia'inaniluk kogotdinanigin, iluk hogorakeke lagap a? Motok dek o. Akhuni watlatluk lageikharekma etoma motok usa'inagagin o. Akhuni nen hagasusak dek meke an nen elalinat hit ninom dogolik hagakhe lagei etnogo, o Sodom etoma hagakhe dogolema, it etoma inebe dek ageidek yogotak ya motok hunigat dogolep o.

Matius 18:9

Nen, hinileken nen weagathinabusak hagatlaga halok he, ebelake hemelogo la'isalok, hinileken ebelake anek dogolik iniluk motok dogogunmo etoma ukumo hano. Hinileken pere werekma hetumo la'isaumo weak o. Halok he, ebelake hemelogo la'isano,” iluk yogeisasikhe.

Matius 23:33

Hit warlo nen itago meke hinebe warloat welagap yoma re! Akhuni Allah nen ukum inoba 'biluk hetu aik weakma la'isugunem, hit lo dukhugun nogo? Erlok dek o.

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Matius 5:29

Halok he, hileken ebeke nen weagathabusak hagatlaga halok he, hemelogo la'isano. Hebe abisake hetu aikmo po la'ageinogo nen, hemelogo la'isalok ebelake anek werekma hano.

Matius 8:29

inane kokhogonat, men yogokhukha, “Hat Allah a'but yi. Hat nen, nit nikithogon hagatninabigiluk wagan. Nit ninasusak oba aban werek korlegat, hat tak ninasigiluk wagan yoma re!” iluk yogokhukha.

Lukas 16:24

Ileken liagisalok nen, ane kokhogon men yogokhikhe, Abraham nopase a! An hetu aik weakma hinet motok weak wakhe lagei yoma hakmu nean o. Lazarus nen iki sisik ima usa'iluk nen, i mago na'bi baga hotok uagaluk, 'bi isuak nen yogosin o, iluk yogokhikhemo

1 Korintus 15:55

Itithogon degetdisalok, ane sagun yogokhe dogolik, “Watlageikharek meke erlo yi, hobatne ki. Haik nen li'bilinakhe lagan etnogo haik anini ki,” iluk isikhemo wene holal waganogo 'bisukha meke iti ebeat asigin o.

2 Petrus 2:4

It malaikat Allah nen yoko usa'isa agarek meke aperek weak hagakhukhama, Allah nen here'isigidek, ukum yabokane inoba 'bigiluk nen, o mummo weakma iniki herle warek dogoagaluk usa'isasikhe iti.

A'bikaka 20:10

Itithogon hali nasi korlek, at helo yeke hakene etnogo inom, at ageikhe nen, “An Allah ane yogeisekhe lagei,” iluk ekalat nukhetdisekherek meke etnogo inom, i laut hetu meke yekelekma hotali al hakene obasi weak meke etaga belerang inom-inom amulok nasi motok welagarekma etoma po wukhogon usa'isekhe. Usa'isekhemo etoma werekma, Iblis etnogo yabokane inoba po wukhogon usa'isekhemo inom etoma dogolik, dikene hibakone hinet wakho motok-motok dogogun hisigi.