Lukas 16:21 - ALLAH ANE WENW KET MEKE WAROGO WOKNINAKHIKHE WENE

²¹ 'Bi agunem etoma witik dogolik, akla nen, Ap kok meke etnogo apiri nukunem nen eken pilikhogon o sirlapon oba usasinem natogorlogo nelabut hethokhogon neke dogole e, iluk apasi werekma, yeke witluk nen, agalumo oba emenogo a'bi nen melanethigik neke lageikhe.

Lukas 16:21 Iomraidhean Croise

Matius 15:27

Itithogon yogokhikhemo, at he etnogo nen, “I, noe. Eberogonat egen mekeat he, at ayeke iteerek iti hipiri o meja perlago baga nukunem, eken pilikhogon agat oba usekhe halok he, yeke iti nen nekeregat o,” yogokhikhe.

Markus 7:28

Itithogon yogokhikhemo, at he etnogo nen men yogokhikhe, “I noe. Eberogonat egen. Meke re, yekerugi nen hipiri meja perlago baga neke dogolik eken pilikhogon usa'isinem, yeke meja wema baga dogolik nekeregat o,” iluk isikhemo,

Lukas 16:20

Meke re, ap ageikhe ameke dek meke etaga Lazarus. Ebenake agalumo motok doalegat welageikhe meke, ap kok ameke motok doalegat meke etnogo ai holagapema etoma 'bi aga lagoukha.

Lukas 16:22

Itithogon nasi werekma, at Lazarus ameke dek meke etnogo watlageikhe. Watlageikhemo, it malaikat pogot oba Allah nen yoko la'i agarek meke emenogo ageikhe wagoukhasik, ebe wolok nen, ap Abraham alilu 'bi lagoukha. 'Bi lagoukhama nen he, yabokane ap kok ameke doalegat meke etnogo watlageikhe. Watlageikhemo nen, agatma thalhukha.

Yohanes 6:12

Hipiri ina'ithogon nasukhama, at agarumi ane waganhe lagoukha meke emenogo men yogeisasikhe, “Hipiri nekasik ilugun titurogon 'bega meke ethoma alomatlasunogo iluk, natogorlogo opakimo 'bini o,” iluk yogeisasikhemo,

1 Korintus 4:11

Nit o haganeat eloma nen yogotak hurli, hipiri inom, i inom, abuat welagorek. Itithogon dogolik, ninasu degat werekma tugi ninakhe korlek, ninaila dekma, yi ai ti ai lagorek.

2 Korintus 11:27

Yi yabu ti yabu hasik thet wiik-weakhogon hagakhik, hibiku-yogoku noge niluk noge igik, hipiri inom, i inom, dek nen abuat welageik, hibiku-yogokuat hipiri nikidek hapugutdigik, nasu dek nen thogei nakhik, o koma noge u heat ageik, hagakhe lagagisigat.