Lukas 16:13 - ALLAH ANE WENW KET MEKE WAROGO WOKNINAKHIKHE WENE

¹³ Ap opakiat meke ap koktek inebe pere meke inatuaneke dogolik inayabu hagakhe dogosak motok erlok dek o. Itithogon dogogin halok he, atuaneke iti nen, Nopase ageikhe yi hano, nakmu. Nen, ageikhe iti weak, na'it, iluk ekhe dogolik, akmu meke iti ipisak dopokhogon dogolik, ageikhe a'it meke iti, a'it motok hekhe dogosak o. Iti hakene, hit he, Allah atuaneke dogolik, uang atuaneke dogosak erlok dek o,” iluk yogeisasikhe.

Lukas 16:13 Iomraidhean Croise

Matius 4:10

at Yesus nen, “Hat Iblis yi horla lan o. Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk yogokhikhe.

Matius 6:24

Itithogon yogeisasikhesik ageikhe men yogeisasikhe, “Iti hak he, ap opakiat meke ap koktek inebe pere meke inatuaneke dogolik, inayabu hagakhe dogosak motok erlok dek o. Itithogon dogogin halok he, at inatuaneke iti nen, Nopase ageikhe yi hano nakmu. Nen, ageikhe iti weak, na'it, iluk, ekhe dogolik, akmu meke iti ipisak dopokhogon dogolik, ageikhe a'it meke iti a'it motok hekhe dogosak o. Iti hakene, hit Allah atuaneke dogolik, uang atuaneke dogosak erlok dek o.

Lukas 11:23

Nen, tha nen ebe an werekmake ageidek halok he, at iti an nipisak wim palek mekeat o. Nen, tha nen an nipisak natogorinakhe lago dek meke halok he, at iti nenat mukhogo ula'isiliogo o,” iluk yogeisasikhe.

Lukas 14:26

“Hit hinagosa hinopase lak men, hinagugi hina'buri men, hinougi hinagarumi men, hit hinekaerek hinebe iti men, tha'bokhogonat, Motok na'it o, iluk, apigidek dogolik, an nagarumi asuogoluk napma ukisusak erlok dek o.

Lukas 16:12

Hit nen ap ageikhe ameke mothogon hago welageidek halok he, hit meneke, hinekaerek hinameke meke iti ite dogobageik iluk tha nen wokhisagein apegep.

Lukas 16:9

Iti halok he, an wene ageikhe yokhisak. Hinameke yi meke ti meke agat oba meke, inil damelogo korlo hagakharek meke iti dek aga halok, hinai hano motok dogosak oba wokhinabuagaluk, yogotak ya hinameke iti baga hinagarlak lak hinom ekayorakhe dogono o,” iluk yogeisasikhe.

Lukas 9:50

at Yesus nen, men yogokhikhe, “Hit nen itithogon wenagasusak dek o. Tha nen hit wenakhisiliogo dek halok he, at iti hit werekmake mekeat o,” iluk yogeisasikhe.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.