Lukas 15:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon yogeisasikhesik nen, wene ageikhe men yogeisasikhe. “He ageikhe uang sen meke ebe 10 hago werekma opakiat ageikhe nalaga halok he, here'isigidek isagal yibatdiluk, umake amumuleke motok ula'iluk karelhe dogolik, arat herakhekherek etnogo dek?

Lukas 15:8 Iomraidhean Croise

Matius 5:15

Nen, akhuni nen isagal yibarlogo isoak abura thebelogo 'begarek degat. Isok tilik oba dukhogon 'bisinem akhuni uma welageikharek meke inebe tha'bokhogonat liarinakherek.

Lukas 15:7

Iti hak, akhuni inebe 99 meke iti nen, An weak ageikhe hagakhi etnogo nen, nobabut hebelasigin nogo? Dek o, iluk inobabut hebelasusak dek nen, it pogot oba welageikharek meke iti inakla arleken akhagun dek o. Meke re, it akhuni weak hagakharek meke opakiat ageikhe nen obabut hebelhe halok, it pogot oba welageikharek meke iti inakla arleken kogat akhagun o, iluk yokhisigi,” iluk yogeisasikhe.

Lukas 15:9

Itithogon arat herakhalok nen, humi, at aksumi men, inai sili opakimo welageikharek meke men, waisugunem natogorlogo wagunem nen, Nauang sen meke nalaga meke arat herakhigi iti nen, nit tha'bokhogonat ninakla arleken akhauwok o, iluk yogeisekherek etnogo dek?

Lukas 19:10

Tilhinakhemo meke iti, an abat itaklasi agagi etnogo, it akhuni nuk ariogei meke heago tilinabigiluk wagagiat o,” iluk yogeisasikhe.

Yohanes 10:16

Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

Yohanes 11:52

Meke re, it akhuni Yahudi meke inobasik anek isikhe 'buk. Akhuni tha'bokhogonat Allah a'buri meke o yi ai ti ai lo lagoukhasik welageikharek meke inom dapukhogon 'bisagaluk, Yesus watlasigin meke hasik isikhe.

La'isasikhe 19:19

Nen, it ap hathale dogolik usa hagakhe lagoukha meke inebe doalegat nen ina'buku usa meke uang perak kok meke 50.000 hakene baga oko palhukhasik hago welagoukha meke natogorlogo akhuni tha'bokhogonat inil oba hetu hunhukha iti.

Efesus 2:17

At Yesus nen itithogon woknisik wageikhemo, ebelake meke, ebelake meke ninom, at Allah Agoreke opakiat iti baga ninopase Allah oba ukusak erlogat hagatlageikhe, iluk, Yesus ebe alebageik wageikhesik, “Hinom dapukhogon 'binagagi o,” iluk, wene hano wene hit itikmanke meke walegat werekma yokhisigik, nit akhuni Yahudi meke horogat werekma yoknisigik, i wageikhe iti o.