Lukas 15:2 - ALLAH ANE WENW KET MEKE WAROGO WOKNINAKHIKHE WENE

² Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 15:2 Iomraidhean Croise

Matius 11:19

Meke re, an abat itaklasi agagi etnogo, hipiri inom, anggur eken apusu inom, nilik wagagisikmo, akhuni nen nabok ekhe dogolik, Hipiri inom, anggur eken apusu inom, oba la'buk niliogo yi! It ap pemerintah hasik uang kino iluk waganharek meke inom, weak hagarik nekharek meke inom, inom hunetdakhalok werek yi 'bikhani! iluk iliogei iti, Allah akla motok kagalek dogolik hagakherek iti nen, hanorakhunem inileken halok, Morat, iluk hutdugunat o,” iluk yogeisasikhe.

Matius 9:11

Itithogon nasi werekma, it ap Farisi meke nen inileken kola'isalok, it ap Yesus ane waganhe lagoukha meke emenogo men yogeisasukha, “Hit hinoe wene yakulhisiliogo meke ithi, it ap uang pemerintah hasik kino iluk waganharek meke inom, it aperek weak hagarik nekharek meke inom, opakimo hurek latluk hipiri niliogei yi nenaluk,” iluk yogeisasukha.

Lukas 15:3

at Yesus nen wene oba lisogonat men yogeisasikhe,

Lukas 19:7

Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 5:30

Itithogon nasimen, it ap Farisi meke men, it ap Allah ane holal waganek iteerek meke men, at yesus agarumi ane waganhe lagoukha meke emenogo men yogeisasukha, “Hit he, ap uang pemerintah hasik kino iluk waganharek meke inom, it aperek weak hagariogei meke inom, hinom hipiri opakimo neke lagap ethoma nenaluk?” iluk yogeisasukha.

Lukas 7:34

Meke re, an abat itaklasi agagi etnogo anek, hipiri men, anggur eken apusu men, yugunat nilik wagagisikmo nogo nen, hit nen, Lakhani! Ap yi re, hipiri men, anggur eken apusu men, oba la'buk nilik nekhe dogolik, ap pemerintah meke hasik uang kino iluk waganharek meke men, ap weak hagakharek meke men, hunetdakhalok niliogo yi 'bikhani? iluk yoknekhe lagap.

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

La'isasikhe 11:3

Wenagakhe dogolik, “Hat hebe it akhuni inoado aperlagap palek dek meke inoba lagatik nen, hipiri hinom opakimo neke lagasip wagan iti nenaluk,” iluk wenagakhukha.

Galatia 2:12

Iti men hagakhe lageikhe baga wenagakhigi. Alebat, at Yakobus nen agarumi la'isa ageikhe meke aban wageidek werek korlek, at Petrus etnogo it akhuni itikmanke meke inom hipiri dapukhogon neke lagoukha. Meke re, it wagoukhasik oba nen, at Petrus akla nen, “Nit ninoado aperlagap palek meke aperek nen nena yoknesugun,” iluk, ayuk nen, it inom hipiri nikidek thogotdiluk hekhogon dukhisikhe iti.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.