Lukas 14:13 - ALLAH ANE WENW KET MEKE WAROGO WOKNINAKHIKHE WENE

¹³ Meke re, hat itithogon isakhe dogolik halok he, it inameke dek inerlageik meke iti inom, inuak thagalek meke inom, initibagal weak meke inom, inileken puk meke inom, it itigirlik meke inayoko 'bekhe dogono.

Lukas 14:13 Iomraidhean Croise

Matius 15:30

Hurek lageikhesik werekma, it akhuni initibagal weak meke inom, inileken puk meke inom, iniki inisok ut warek meke inom, inane dek meke inom, inebe motok doalegat inom, wogosik Yesus oba 'bi agoukhama, at nen motok hano hagarinakhikhe.

Matius 22:10

it atuaneke meke emenogo yabokane holak kok atoalma etoma lagoukhasik werekma, akhuni inobabut weak meke, hano meke, lagunem inom abuk agoukha meke tha'bokhogonat inayoko 'bisukhama wagoukhama, o etnogola inebe motok kerlek ageikhe.

Lukas 11:41

Halok he, hit meke yi meke ti meke piring akla temerogo 'bekhe lagap meke iti, akhuni inameke dek meke supusogo wogeisegep halok he, hit hinobasik yi meke ti meke tha'bokhogonat thobalek dogou hak hano dogogin o.

Lukas 14:12

Itithogon yogeisalok nen, at Yesus nen ap ai iteerek inayoko 'bisikhe meke etnogo yogokhe dogolik, “Dikene a? Hiamaganekeke a, hat nen akhuni hinom hipiri opakimo isago nuogoluk halok he, hinom hunik meke inom, hagarlak lak eke inom hougi hageikhugi meke inom, ap koktek inikierek hinom welagathep meke etoma inom, inayoko 'bugun o. Itithogon hagakhen halok he, oko yabokane it ageikhe isakhe dogolik hat hayoko 'bumo, oko wokhesunogo.

Lukas 14:14

Itithogon inayoko 'bekhe dogoumo, it nen hat hayoko 'busak dek iti nenat, hat hakla arleken kogat akhagein o. It iti nen oko wokhesusak dekma iti, akhuni inetaiken mot meke watlatlukmo, Allah nen inilugurinabigin itinem, hat hagakhe dogogin meke oko, at Allah nenat wokhesigin o,” iluk yogeisasikhe.

Lukas 14:21

Inane itithogon anek ilik lagoukhama, at atuaneke etnogo nen oe etnogo yogosi ageikhe. Yogosi ageikhemo, at oe iteerek etnogo akla aga kogat dageiluk, men yogokhikhe, O kota yi, holak kokmake, 'bugurlagatmake laga dogolik, akhuni inerlageik meke men, inuak thagalek meke men, inileken puk meke men, initibagal weak meke men, wogosik wetno o, iluk yogokhikhe.

La'isasikhe 9:39

“I o. Halok he, usauwok ta,” iluk inom usasukha. Usasukhasik nen, Petrus ebe wolok henaipu inom dageisukha. Henaipu dageisukhasik werekma, it humi thoge meke at oba horokhogon natogosi agoukhasik, de aga dogolik, su akmanke meke dek, itikmanke uan meke dek, he Dorkas iluk oba inom dogolik, ikhogo 'bisasikhe meke inuguthasukha.

1 Timotius 3:2

Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

Titus 1:8

ap huso wagunem aila hanorogo woginakherek meke halok, hano hagakharek iti meke anek warlok apekherek meke halok, etaiken ekaerek nen therogo welagarek meke halok, obabut mothogon hagakherek meke halok, ebe Allah hasik karelek welagarek meke halok, ekaerek nen asuk warek welagarek meke halok, meldusak o.

Filemon 1:7

Filemon nagarlak o. Hat nen akhuni Allah a'buri meke aperek tha'bokhogonat hakmurinakhe dogolik, inakla hanorinakhetek iti nen, an Allah ahsik hagakhe dogoagaluk netaiken ago watdanhe laganma nakla arleken motok akhekhe lagei o.

Ibrani 13:2

It akhuni aperek nen, malaikat meke inebe ap huso thalek inobakha palek woginakhukhasik inarini isakhukha iti nen, ap huso hinoba wago halok, hinobakhanini here'isigidek woginakhe dogono o.