Lukas 14:12 - ALLAH ANE WENW KET MEKE WAROGO WOKNINAKHIKHE WENE

¹² Itithogon yogeisalok nen, at Yesus nen ap ai iteerek inayoko 'bisikhe meke etnogo yogokhe dogolik, “Dikene a? Hiamaganekeke a, hat nen akhuni hinom hipiri opakimo isago nuogoluk halok he, hinom hunik meke inom, hagarlak lak eke inom hougi hageikhugi meke inom, ap koktek inikierek hinom welagathep meke etoma inom, inayoko 'bugun o. Itithogon hagakhen halok he, oko yabokane it ageikhe isakhe dogolik hat hayoko 'bumo, oko wokhesunogo.

Lukas 14:12 Iomraidhean Croise

Matius 5:46

Nen, it akhuni aperek nen, hit inakmuthinakharek meke iti anek hit nen hinakmurinakhe lagap halok he, Allah nen oko wokhisagein nogo? Dek o. Iti hak he, it ap pemerintah meke hasik uang kino iluk natogokharek meke nen inobabut itithogonat hagakharek o.

Lukas 1:53

akhuni inakla abu welageikharek meke iti hano meke ina'ithogon wogeisekhe dogolik, it inikierek inameke doalegat hago meke iti, ageikhe wogeisigidek werlegat la'isasikhe.

Lukas 1:58

Itakhasikhemo, it akhuni inom welagoukha meke men, at oe agot emenogo men, “Ninopase Etagapogot iti nen motok akmu hekhesik nen hagakhe higi o,” iluk isukhasik nen, at ekaerek inom inakla arleken akhasukha.

Lukas 14:13

Meke re, hat itithogon isakhe dogolik halok he, it inameke dek inerlageik meke iti inom, inuak thagalek meke inom, initibagal weak meke inom, inileken puk meke inom, it itigirlik meke inayoko 'bekhe dogono.

2 Korintus 6:13

Halok he, hit nen dagakhogon nit ninobasik hinakla lia'atni o, iluk an nekaerek na'buri yogeisau hak yokhisigi iti.