Lukas 14:1 - ALLAH ANE WENW KET MEKE WAROGO WOKNINAKHIKHE WENE

¹ Itithogon yogeisasikhesik, yabokane iniki 7 baga ageikhe, Allah hasik werlegat dogolik, Yesus ap Farisi meke inougi koktek meke opakiat ageikhe aila hipiri ipisak nuogoluk lageikhesik werekma, akhuni nen, at Yesus inileken hanorogon waganhe lagoukha.

Lukas 14:1 Iomraidhean Croise

Matius 12:12

Meke re, domba iti meke erlok dek negen o. Akhuni inebe iti oko kogat o. Halok he, Allah hasik werlegat dogolik, hano hagarinabumo erlogat o,” iluk yogeisasikhe.

Markus 3:2

Itithogon werekma ukisikhemo nen, it ap aperek inakla nen men apasukha, “Yogotak he, niniki 7 baga Allah hasik werlegat dogolik, at nen ap ithi hano hagasigin a? Dek a. Hagakhe halok he, Hat weak hagakhen, iluk, wene oba 'buok o,” iluk inileken waganhe lagoukha.

Lukas 11:37

Yesus nen wene iti arat yakulisekho werekma, ap Farisi meke ageikhe nen Yesus men yogokhikhe, “An werekma hipiri nipisak na luok nen eme o,” iluk ayoko 'bisikhe. Ayoko 'bisikhemo, lageihesik aila ukisukhasik nen, hipiri nuogoluk hurek lagoukha.

Lukas 14:2

Itithogon inileken waganho werek korlek, ap ageikhe iki isok u ya hisik ta hisik welageikhe meke Yesus elokhoma eranogo mot-mot wageikhesik welageikhe.

Lukas 17:20

Itithogon la'isikhemo yabokane, it ap Farisi meke nen, men isukha, “At Allah nen, o meranem at apma 'binani isigin,” iluk hinok waganhukhama, at Yesus nen, men yogeisasikhe, “At Allah apma 'binageiluk wisigin iti re, akhuni nen ageikhe hutduagaluk elalin meke ageikhe inil oba hagakhidek werek korlegat wisigin o.

Lukas 20:20

Huk agoukhasik yabokane, at nen ane igin oba wene 'biluk, at gubernur akhuni hagasik dogolik ukum inoba 'bigik, kokhik, hagakherek iteerek meke nen wene oba 'buagaluk, ap aperek inobabut hano thalek Yesus inileken waganhe dogoagaluk la'isa agoukha.

Lukas 6:7

Werekma, it ap Allah ane holal waganek iteerek meke men, it ap Farisi meke men, inakla nen, “Yogotak niniki 7 baga Allah hasik werlegat werek korlek, at nen ap ithi u hano hagasigin? Dek a. Itithogon hagakhe halok, wene at oba 'buok o,” iluk inileken waganhe lagoukha.

Yohanes 3:1

It akhuni Yahudi meke inoe kok ap Farisi meke inawene hago welageikhe meke ageikhe etaga Nikodemus welageikhe.

La'isasikhe 5:34

Inasuogoluk hagakhukha mekeat he, ap ageikhe it Farisi meke inawene hago dogolik, it inom wene erlo pilinekhe lagoukha meke etaga Gamaliel. Ap iti wene Allah nen inasuk wakhikhe wene etnogo yakulisugunem, akhuni tha'bokhogonat nen, “At hano,” iluk inane hanorogon yogokhe lagoukha meke. At iti melageikhesik nen, men yogeisasikhe, “Ap iniki herle warek meke yi, elanma hasik itikmanke dogoak nen ula'isani,” iluk yogeisasikhe.