Lukas 13:6 - ALLAH ANE WENW KET MEKE WAROGO WOKNINAKHIKHE WENE

⁶ Itithogon yogeisasikhesik nen, wene ageikhe oba lisogon men yogeisasikhe, “Ap ageikhe ayabumo o ara ai yago welageikhe. Ai yago werekma, Eken ikhemo a? Dek a, iluk ileken 'bikha lageikhe meke re, ebe ikhidekma.

Lukas 13:6 Iomraidhean Croise

Lukas 13:5

Dek o. An nen hit yokhisak. Hit weak hagakhe lagap meke iti, thogotdisalok hinobabut hebelageidek halok he, it watlageikha hagat, hit itithogonat watlatluk nuk asugun o,” iluk yogeisasikhe.

Lukas 3:9

O erlo dopok eken hano meke ikidek halok, mukhogo hetumo la'isagaluk pisue o omaken oba pakpakthek motok werek o,” iluk yogeisasikhe.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Filipi 4:17

Meke re, itithogon yomakneekhe lagap mekeat he, laknisi agunem waganhe dogosak iti hasik kogotdekhe lagei 'buk. Hit oko horlau hak, Allah nen ebe hano meke wokhisugunem hit ite asubageik iluk kogotdekhe lagei o.