Lukas 13:15 - ALLAH ANE WENW KET MEKE WAROGO WOKNINAKHIKHE WENE

¹⁵ at ninoe Etagapogot nen, ap etnogo men yogokhikhe, “Hit hinoado baga anek hano thalek dogolik, hinetaiken pere meke yi re! Hit hinebe tha'bokhogonat niniki Allah hasik werlegat dogolik meke re, hinako sapi a, keledai a, ai halekma nen, thu hualogo herle hisalogo ula'isalok nen, i noagaluk wogosik lagathep dek nogo? Wogosik lagathebat o.

Lukas 13:15 Iomraidhean Croise

Matius 15:14

Inileken puk dogoligat he, holak lirisiliogei iti thogotdisani o. At ageikhe ileken puk meke nen, at ageikhe itithogon ileken puk meke yogokhe dogolik, Holak yike lu! iluk iki hago wolok ligin halok he, ipisagat hurlugu Karluk waganekma usagun o,” iluk yogeisasikhe.

Matius 15:7

Hit hinoado baga anek hano thalek dogolik hinetaiken pere yi re! At Yesaya nen Allah ane yogeisekhe dogolik wene men isikhe iti, hit hinobasik mothogon isikhe higi,

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 23:28

Iti hakene, akhuni nen hit hinoado itikmanke yi 'bithisugunem hano apiliogei mekeat he, hinetaiken pere dogolik, hinakla yi weak ti weak hagakhethep iti meke motok kerlek welagap iti nen, eiye! Allah weagathinabigin o!

Matius 7:5

Hinoado baga anek hano thalek dogolik hinetaiken pere yi re! Hinekaerek hinilekenma o palek kok meke iti tak wokhakhalok nen, hinileken arat lia aga halok he, yabokane hinagarlak lak hinerugi inilekenma amumuleke werek meke iti erlok wokhausak o,” iluk yogeisasikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 14:5

La'isikhemo, ap etnogo laga korlek, at Yesus nen it emenogo men yogeisasikhe, “Allah hasik werlegat dogolik mekeat he, hit ageikhe hina'but a? Hinako sapi a, i agat hulelekma tun usekhe halok, ibat-ibat hiniki hago lia'busak dek nogo? Lia'busagat o,” iluk yogeisasikhemo nen,

Lukas 6:42

Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.

Lukas 7:13

ileken lageisasikhe. Lageisasikhesik ninoe Etagapogot nen, agosa etnogo ileken halok akmu ageikhesik nen, men yogokhikhe, “Neru. De aga 'buk o,” iluk yogokhikhesik nen,

Lukas 7:19

men yogeisasikhe, “Ap ageikhe wisigin ekhe lagoukha etnogo harat a? E a, at he, ap ninat meke ageikhe therogo dogogun a, iluk oba hinok wagani lani o,” iluk ninoe Etagapogot oba la'isa ageikhe.