Lukas 13:14 - ALLAH ANE WENW KET MEKE WAROGO WOKNINAKHIKHE WENE

¹⁴ Itithogon hagakhikhemo, ap ageikhe o sembayan egarekma etoma inoe kok welageikhe meke iti nen, men isikhe, “Yesus iti niniki 7 baga Allah hasik werlegat werek korlek, he iti u hano hagakhe iti nenaluk hagakhe,” iluk akla aga nen akhuni doalegat emenogo men yogeisasikhe, “Yi hagakhik, ti hagakhik, hagakhe dogosak iti, iniki 6 oba iti bagaat hagakhe dogosak o Halok he, hiniki iti bagaat u hinoba meke hagathinabuagaluk waga dogono. Meke re, Allah hasik werlegat dogolik wisusak dek o,” iluk itithogon yogeisasikhemo,

Lukas 13:14 Iomraidhean Croise

Matius 12:2

Palogo nilik lagunem, it ap Farisi meke nen inileken hisalok nen, Yesus men yogokhukha, “Lakhan! Niniki 7 baga Allah hasik werlegat dogolik, Itithogon hagasusak dek, iluk wene palek werek mekeat he, hat hagarumi gandum eken palogo nilik wageikha yi re!” iluk yogokhukhama,

Markus 5:22

Natogosi agoukhasik werekma, o akhuni Yahudi meke sembayan egarekma inougi kain welagoukha meke ageikhe etaga Yairus wageikhesik, Yesus ileken lakhalok, apma itibagal yukukhogon heagei wakhe dogolik, men yogokhikhe,

Lukas 6:11

Itithogon hagakhikhemo, it ap Allah ane holal waganek iteerek meke emenogo men, it Farisi meke emenogo men, inakla aga apik dageiluk nen, “At Yesus nikithogon hagasuok he,” iluk, it-it abok palhe lagoukha.

Lukas 6:7

Werekma, it ap Allah ane holal waganek iteerek meke men, it ap Farisi meke men, inakla nen, “Yogotak niniki 7 baga Allah hasik werlegat werek korlek, at nen ap ithi u hano hagasigin? Dek a. Itithogon hagakhe halok, wene at oba 'buok o,” iluk inileken waganhe lagoukha.

Lukas 8:41

Itithogon waganhukhama, ap ageikhe etaga Yairus, o akhuni Yahudi meke sembayan egarekma inoe kok meke, a'but horlak opakiat itago meke ebe itaklageikhesik oba umur 12 tahun hagatlageikhe hak, u nen horogat watlasigiluk hagakhe lageikhemo, Yesus oba wageikhesik apma itibagal yukukhogon heagei wakhe dogolik, men yogokhikhe, “Noe. An naila luok o,” iluk, ane a'buarek ane yogokhikhe. Itithogon yogokhikhemo, Yesus at ipisak luogoluk lagunem, akhuni motok doalegat oporlik kerlek-kerlek lagoukha.

La'isasikhe 13:15

Hurek lagoukhasik werekma, it akhuni etoma meke nen, wene Allah nen ninasuk wakhikhe wene etnogo etaga thalhik, wene it ap Allah ane yogeisekhe lagoukha meke nen holal waganhukha meke etaga thalhik, isukhasik nen, inougi koktek nen Paulus lak yogeisekhe dogolik, “Nagarlak lak. Akhuni yoma inetaiken horle asuak nen, hit nen wene ageikhe werek halok he, yoknisobageik iluk hinayoko 'bogo o,” iluk isukhama,

La'isasikhe 18:17

Ula'isugunem, it akhuni aperek tha'bokhogonat nen, ap etaga Sostenes, o akhuni Yahudi meke sembayan egarekma iteerek kok welageikhe meke iti, ebe hakhasukhasik nen, o ukum inoba 'bigik, kokhik, hagakhe lagoukhama etoma ebe tugi wakhukha. Itithogon wakhe korlegat at Galio etnogo nen irlirli waganhidek obakhaniniat huk ageikhe.

La'isasikhe 18:8

Etoma werekma, ap Krispus, o akhuni Yahudi meke sembayan ekhe lagoukhama iti kok iteerek welageikhe meke ebe men, a'buri men, “Wene iti eberogonat,” iluk inetaiken ninoe Etagapogot oba hakotdisukha. Hakotdisukhama, it akhuni o kota Korintus meke aperek inebe doalegat wene holiluk nen, “Eberogonat,” iluk inetaiken ninoe Etagapogot oba hakotdisukhama, inom ima usa'isasukha.

Roma 10:2

It nen Allah hasik inobatnerogon hagariogei mekeat he, inobabut nilu. Eberogonat hagasusak meke inilu dogolik hagariogei 'buk.