Lukas 12:9 - ALLAH ANE WENW KET MEKE WAROGO WOKNINAKHIKHE WENE

⁹ Meke re, tha nen, akhuni inil oba, Yesus iti an nokodek o, iluk la'belho halok he, an meneke, malaikat Allah nen yoko la'isa agarek meke emenogo inilhanem, At iti an nokodegat o, iluk, nane pakhogon yogeisageinat o.

Lukas 12:9 Iomraidhean Croise

Matius 10:33

Itithogon mekeat he, tha nen, Yesus iti an nokodek o, iluk akhuni inil oba la'belho halok he, an meneke, At iti an nokodek o, iluk nopase pogot oba meke il oba pakhogonat igin o,” iluk yogeisasikhe.

Matius 25:12

at nen, Hit iti thani. Hinebe an nokodek o, iluk, eberogonat yokhisigi,” iluk yogeisasikhe.

Matius 25:31

At Yesus nen itithogon yogeisasikhesik, wene ageikhe men yogeisasikhe, “An abat itaklasi agagi etnogo, akhuni nen hogotnakhe korlek, it malaikat Allah nen pogot oba nen yoko usa'isa agarek meke emenogo tha'bokhogonat ninom witluk nen, an hogotnakhe korlek kok Netagapogot welagarekma dogolik,

Matius 25:41

Nen, it niki paike 'bisagein meke iti men yogeisagein, An nopase nen hit homan 'binagakhe meke yirani! An hipiri abu werekma, hit nen melaknikhidek, i abu werekma, hit nen woknikhidek, ap huso werekma hit nen woknakhidek, su ugu dek werekma hit nen ageikhe i'banhidek, u warek werekma men, niki herle warek werekma men, 'bitnea lageidek hagakhe lagagip o. Halok he, an nopase nen, at Iblis agarumi inebe doalegat inom, hetu nagulasusak dekma dogoagaluk inoboluk 'bisasikhemo etoma horla lani o, iluk yogeisagein.

Matius 7:23

an nen pakhogonat yigithogon yogeisagein o, Hit hinebe an nokodek o. Weak motok hagarik nekhe lagap meke iti nalilu ya dogogup o. Kikil warani, iluk yogeisagein o,” iluk yogeisasikhe.

Markus 8:38

Akhuni yoma inobabut weak dogolik Allah ane inom dopokhogon welageidek, yi weak ti weak hagariogei meke iti hinomat dogolik, it inilhanem tha nen, An Yesus agot, igik, an nane iti yogeisigik, u re, ape ekarli halok, an abat itaklasi agagi etnogo yabokane nopase hogorakho motok welageikharek hak hagatlatluk, it malaikat Allah ekaerek hasik yoko usa'isa agarek meke emenogo ninom witluk, At yi an nagot, iluk nane pakhogon u re, nekarliat asigin o,” iluk yogeisasikhe.

Lukas 15:10

Iti hak, akhuni weak hagakharek meke opakiat ageikhe obabut hebelhe halok he, it malaikat Allah nen yoko la'isa agarek meke emenogo inakla arleken kogat akhagun o, iluk eberogonat yokhisigi,” iluk yogeisasikhe.

Lukas 22:57

at Petrus nen la'belhe dogolik, men yogokhikhe, “Dek o. Horlak yi! Ap iti ebe an nokodek o,” iluk yogokhikhe.

Lukas 9:26

At tha nen, An Yesus agot, igik, an nane iti yogeisigik, akhuni inil oba pakhogon u ekarli halok he, an abat itaklasi agagi meke yi nen meneke, yabokane an nebe hogotnakhik, nopase hogorakhik, malaikat Allah ekaerek hasik yoko la'isa agarek meke emenogo hogorinakhik, hagakhe korlek waga dogolik nen, At yi an nagot, iluk nane pakhogonat u nekarliat asigin o.

2 Timotius 2:12

Nit ninobakhanini hapugutdiluk dogogun halok he, akhuni at apma ukiluk dogogun meke iti, nit ninom nenat hagasik dogogun o. Nit nen he, “Yesus ninoe dek o,” iluk, at ebe motok here'isogo halok, at nen he, “It an nagarumi degat o,” iluk, heredinaniginat o.

1 Yohanes 2:23

Tha nen, “Allah a'but iti, ebe na'it,” iluk kolelogo la'ekhe halok, opase Allah ebe waganhidegat o. Nen, tha nen, “Allah a'but ebe itiat o,” iluk ane pakhogon ekhe halok, opase allah ebe waganheat o.

1 Yohanes 2:28

Na'buri o. Kristus wisigin itinem ebe wagunem, nit ninekarli ageidek, ninayuk degat, at elokhoma apma ukuok nen, hit at hinom hunik motok dogono o.

A'bikaka 3:8

Lakhani! Hit hinobabut hagakhethep he, hinobatne motok herlekha'bugat mekeat he, an nane hologo mothogon hagakhik, nabok la'belhidek pakhogon yogeisigik, hagakhethep iti an nilumo, hit hinobasik, thu arat hualogo 'binagagi meke akhuni aperek nen lasusak motok erlok dek o.