Lukas 12:48 - ALLAH ANE WENW KET MEKE WAROGO WOKNINAKHIKHE WENE

⁴⁸ Mekeat he, atuaneke meke ageikhe akla nen, An noe nen, Itithogon hagarogo 'banilep, iluk akla apekherek meke okodek dogolik itithogon hagarogo 'bisigidek tugi u weak wasusak morat weak hagakhe halok, tugi 'bugurlagat negen wasi isigin o. Akhuni inebe tomok doalegat wogeisagein meke iti, ekaerek waga dogolik doalegat kino igin o. Nen, yi meke ti meke kokhogon iniki baga dogoagaluk meldisagein meke iti, yabokane, Kokhogon woknitni, iluk igin o,” iluk yogeisasikhe.

Lukas 12:48 Iomraidhean Croise

Matius 13:12

Tha nen ikimo hago werek meke iti, Allah nen yabokane lapelogo wogosumo, at ikimo doalegat hago dogogin o. Nen, tha nen ikimo hago dek halok he, pererlagat anek dogogin meke iti, Allah nen apuke tilogo horlaumo, motok dek asigin o.

Matius 23:14

Hit ap Allah ane holal waganek iteerek meke inom, ap Farisi meke inom, hinoado baga anek hano thalek hinetaiken pere yoma re! Eiye! Allah nen weagathinabigin. Hit he, humi thoge meke inai halek inom, inameke inom, inai thebelekhe dogoligat, akhuni nen, inasuk holiluk, It hano, iluk apoagaluk sembayan uan-nagan likhalok egethep itithogon hagakhidek dogolepma, Allah nen wene 'bugurlagat hinoba 'biluk dogolep. Meke re, itithogon hagakhethep iti nen, wene akin meke hinoba 'biluk weagathinabigin o.

Lukas 12:41

At Yesus nen itithogon yogeisasikhemo at Petrus nen men yogokhikhe, “Noe! Wene oba lisogonat egen iti re, nit ninobasik anek egen a? At he, akhuni tha'bokhogonat ninom hasik egen a,” iluk yogokhikhemo,

Lukas 12:49

Itithogon yogeisasikhesik nen, yabokane men yogeisasikhe, “An he, o agat oba yoma hetu kola'isagaluk wagagisikmo iluk, hetu iti ibat amulok yibatlatnek, iluk apekhe lagei.

Lukas 16:2

Itithogon yogokhukhama, at kok etnogo nen atuaneke etnogo waikhikhemo wageikhemo nen, men yogokhikhe, Hat hagakhe lagan meke nasuk holhi iti, nikithogon hagakhe lagan. Yogotak hat an naila yoma dogolik, an nameke hago dogogin degatma re, hago dogolik hagakhe lagan meke holal waganek meke iti pilinogo yoknetluk nen, woknom o, iluk yogokhikhe.

Yohanes 15:22

An wagagisik, wene tha'bokhogonat iti it yogeisigidek dogolema re, it weak iluk wene inoba 'biluk dogolep dek apigi o. Mekeat he, yogotak, wene yogeisa agei iti nen, it nen, An weak hagakhidek, iluk, wene inoba meke nokorlusak erlok degat aga o.

La'isasikhe 17:30

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

1 Timotius 1:11

Nen, wene iti mothogon, hano wene etnogo an nen yogeisilik nekhe dogoagaluk noba 'bisikhe. Hano wene iti, Allah hogorakhik, heagei wakhik, hagakhorek meke etnogo aneat o.

1 Timotius 6:20

Timotius na'but o. Allah nen hayoko 'bekhe dogolik, “Yi meke hagakhe dogono,” iluk, hoba 'bisikhe meke itiat hanorogon herogo dogolik, hobatnerogon hagakhe dogono. It aperek nen Allah ane usak meke iti igidegat dogolik, we yugunat, dek asigin meke hasigat wenemuk yakhe dogolik, “Wene ninilu,” iluk iliogei iti inokodek dogolik iliogei o. It iti nen, “Wene ebeat meke arat hutdogo,” iluk ekhe dogolik, Allah ane eberogonat meke here'isalok nuk asi dukhega iti nen, wene iti meke waganhidek here'isalok dogono. Allah obabut hano etnogo nenat hakharik dogoak o.

Titus 1:3

Yogotak wene iti winam asusak tak-tagat winam asuagaluk, at Allah tilninakherek meke etnogo nen, “Hat nen wene iti akhuni yogeisekhe dogono,” iluk nayoko 'biluk, noba 'bisikhe iti baga ebe winam ariogo iti o.

Yakobus 3:1

Nagarlak lak nerugi. Nit akhuni yakulisogorek meke weak hagakho halok he, Allah nen yabokane akhuni aperek initema waganogo inoba wene herlekha'bugat negen 'bigin mekeat he, nit anek he, wene kogat ninoba 'bigin o, hinilu iti nen, hinebe doalegat akhuni yakulisegarek meke asuogoluk apugup o.