Lukas 12:45 - ALLAH ANE WENW KET MEKE WAROGO WOKNINAKHIKHE WENE

⁴⁵ Mekeat he, at atuaneke meke iti akla nen ebekhe dogolik, Noe etnogo ibat wiriogo dek iti, dogoluk nen wisigin higi, iluk, at oe atuaneke aperek ap dek, humi dek, tugi inakhik, hipiri men, anggur eken apusu men, oba la'buk nalok ilugun oba, anggur eken apusu iti nen ebe hunu-hunu palhik, hagakhe dogolik, at nen,

Lukas 12:45 Iomraidhean Croise

Matius 22:6

it aperek nen, at kok atuaneke la'isasikhe meke emenogo inebe ha'isalok tugi inakhik, inebe motok ka'bukhogon inakhik, hagakhukha.

Lukas 12:44

Itithogon hano hagakhunem, 'bikha witluk, oe etnogo nen, An nameke yoma tha'bokhogonat hat hiki baga dogoak, iluk meldigin o, iluk eberogonat yokhisigi.

Lukas 12:46

Noe etnogo o itinem, jam iti baga wisigin, iluk motok okodek akhiragat werekma, oe kok etnogo 'bikhatluk nen, atuaneke etnogo karok oba ebe motok warogo nen, it akhuni aperek inetaiken Allah oba hakotdigidek meke 'bisekherekma etoma obolukmo la'igin o.

Lukas 21:34

At Yesus nen wene itithogon yogeisasikhesik nen, ageikhe men yogeisasikhe, “Yi meke ti meke isago werago hinelabut urogo nikik, apusu hunu-hunu asuogoluk nekarek meke nikik, yi meke ti meke agat oba meke hasik wene munini uan 'bero ebekhik, itithogon hagarik nekhe dogolik hinobabut hebelek dek akhirak werekma,

Yohanes 2:10

Ane hakhasikhemo wageikhemo nen, men yogokhikhe, “Werlak! Akhuni tha'bokhogonat nen anggur eken apusu ituk hano meke alebageik wogeisugunem, ina'ithogon nasi halok, yabokane anggur apusu ituk erlok dek negen wogeisegarek meke re, hat anek he, anggur apusu ituk hano meke henago 'biluk welagatik nen yabokane winametdegen yi, nayuk!” iluk yogokhikhe.

La'isasikhe 2:18

Itinem, an natuaneke meke, ap dek, humi dek, an Nagoreke kokhogon inoba usa'isigin o. Usa'i agunem it nen an nane yogeisekhe dogogun o.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

2 Korintus 11:20

Itithogon hagakhethep iti baga, hit hinebe it nen inapma 'binagaluk, hinapiri motok tha'bokhogon nikik, hinameke iniki abusak horligik, “Hit erlok dek meke re, nit anek he, kok,” iluk inekaerek nen inakeke 'bakhigik, hinelokhoken dapukhogon hinakhik, hagakhe korlek hinobakhanini hapugutdiluk welagap yoma re!

1 Tesalonika 5:7

Akhuni noge egarek iti, hibakoneat noge egarek o. Nen, anggur eken apusu nalok hunu-hunu hakene palharek iti, hibakoneat nalok hunu-hunu palharek o.

2 Petrus 2:13

It nen it aperek weak hagarinakhe dogogun iti baga, Allah nen oko weak hagarinabigin iti. It he, inetaiken thebelu'buk dikeneat weak hagasu warlok nen hagakhe dogogun iti. Su hano werek korlek, mirli meke oba dabulageik, huriagap hagatlageik, hagakherek iti hak, hit pesta isago nukunem, it iti inetaiken thebelu 'buk, yi meke ti meke inetaiken nen nukunem yi weak ti weak hagakhe dogoligat, hinoba ukitluk, hinom opakimo neke dogogun iti.

2 Petrus 2:19

Akhuni tha'bokhogonat nen, yi meke ti meke obatne atluk obatne degetdisinem, obatne asigin meke iti atuaneke welageikharek iti nen, it iti, inekaerek inebe weagarinakherek meke iti atuaneke dogolik, it akhuni aperek yogeisekhe dogolik, “Hit nit ninobabut waganugun halok he, yabokane hinasokneat asugun o,” iluk we yugunat yogeisekhe dogogun iti.

A'bikaka 16:6

Nen, it ap iti nen, hat ha'buri inom, hat hane yogeisegarek meke inom, inamep ulabogo inakhukhasikmo, mep noagaluk wogeisegen iti, inobabut oba mothogonat wogeisegen o, nopase,” iluk yogokhe laga nasuk holhi.

A'bikaka 18:24

It akhuni o kota Babel meke nen, akhuni Allah ane yogeisegarek meke inom, Allah a'buri aperek inom, inamep ulabogo inakhik, it akhuni aperek agat oba inakha meke tha'bokhogonat, it nenat inakhik, inakhukhasikmo nogo nen he, inamep iniki agot oba werek iti nen, Allah nen ukum inoba 'biluk, weagarinakhe iti.