Lukas 12:4 - ALLAH ANE WENW KET MEKE WAROGO WOKNINAKHIKHE WENE

⁴ Itithogon yogeisasikhesik, ageikhe men yogeisasikhe, “Nagarlak lak o! An wene yi hit hinobasik yokhisak o. Akhuni nen hinebe hinasugun iti hinayuk agup o. Hinoado itikmanke meke anek hinatluk nen, it nen yabokane ageikhe weagathinabusak erlok dek iti nen, hinayuk agup o.

Lukas 12:4 Iomraidhean Croise

Matius 10:28

Akhuni nen hinagoreke hinasusak erlok dek. Hinoado itikmanke anek hinasugun iti nen, hinayukhogon dogogup o. Meke re, at Allah anek, hinagoreke inom, hinoado itikmanke inom, erlok motok warogo hetu aikmo la'inagusak werek iti nen, at Allah at hinayukhogo dogono.

Yohanes 15:13

It aperek inagarlak lak inetaiken hunik, erlok dek negen mekeat, ap ageikhe agarlak lak etaiken hunik nen, it inobasik watlasigin iti anek he, motok kogat o.

La'isasikhe 20:24

Itithogon mekeat he, an nebe niluk dogosak itiat kok iluk iti meke kogotdekhe lagei dek. Ninoe Etagapogot Yesus nen nayoko 'bekhe dogolik, at nen, Allah obabut hano nen hagarinakherek wene hano wene itiat yogeisilik lano o, iluk nayoko 'bisikhe itiat ilugun oba kobokhogon hagasigiluk kogotdekhe lagei o.

La'isasikhe 4:13

It Petrus Yohanes ipisak inayuk dek dogolik, wene pakhogon itithogon yogeisugunem, it ap emenogo nen hogorinakhe dogolik, “Ap yi sekolah yakulhidek. Inokodek uma mekeat he, Yesus inom nekhe lagoukha meke etnogo nen higi,” iluk hutdisukha.

Filipi 1:28

It aperek nen, “Wene iti nina'it,” iluk, ekhe korlegat, hit anek he, hinayuk ageidek a'bethogon motok herogo dogono. Itithogon herogo dogogun iti baga, it iti nuk asugun iluk ekagat hagatlageik, hit tilhinabigin iluk ekagat hagatlageik, Allah nenat hagathinabiginat werek o.

Yakobus 2:23

Itithogon hagakhikhe iti baga nen wene men iluk holal waganogo 'bisukha meke iti ebeat hagatlageikhe, “Abraham etaiken Allah oba hakotdisikhemo, at Allah nen he, Hat hobabut mot hagakhe dogou hak, hetaiken noba hakotdegenma, wene hoba meke korogo wokhigirik hapuke nipisak hunogo 'bagagi itiat o,” iluk yogokhikhemo hola waganogo 'bisukha. Iti nen he, Allah nen, “Abraham nipisak hunigat welago,” iluk isikhe iti o.

1 Petrus 3:14

Mekeat he, mothogon hagakhunem weagathinakha halok, yi aik ti aik hekhe dogolik, hinakla arleken akhekhe dogono. Hinayuk asuagaluk hagathinakhunem, hinayuk atluk hinakla wene munini uan 'bero ebekhup o.

A'bikaka 2:10

At Iblis nen hit hinakla kagaluagaluk, ap hit meke ebetlake iniki herle warogo 'bisamo, iniki 10 baga nen yi aik ti aik hekhe dogogun iti re, hinayuk agup o. Yi aik ti aik itithogon hagathinakho korlek, hinetaiken an noba hakotdiluk, an ninom hunik werekma watlasugun halok he, tha nen ae a'busuk weak tha nen ae a'busuk weak lagunem, it inobatne ageikharek meke oko kare-kare mitago wogeisegarek iti hak, oko naburlal-haburlal hagathinabigin o.