Lukas 12:26 - ALLAH ANE WENW KET MEKE WAROGO WOKNINAKHIKHE WENE

²⁶ Halok he, hit nen yi meke ti meke wene herlekha'bugat meke hagasusak erlok dek nen dogoligat, kok meke iti hinelabut hisikhogon wene munini uan 'bero ebekhe lagap iti nenaluk.

Lukas 12:26 Iomraidhean Croise

Matius 6:25

An nen itithogon yokhisigi iti nen, hit hinakla nen, Niniluk dogouogoluk hipiri men, i men, ki meke nugun. Nen, ninebe su ki meke isugun, iluk hinelabut hisikhogon wene munini uan 'bero ebekhe dogunogo iluk yokhisigi. Nekarek meke iti kogat nogo? Hiniluk welagap iti kogat apigi. Su ikharek meke iti kogat nogo? Hinebe iti kogat apigi.

Lukas 12:25

Nen, hit aperek nen, An watlasusak arat itinem, 'bogokhogon watlageidek, herlekha'bugat ageikhe inom niluk dogole e, iluk wene munini uan 'bero ebesigin iti baga hiluk ageikhe inom dogogin nogo? Erlok dek o.

Lukas 12:27

O eken mirliken morlaken okake ikherek iti hutdini. Eken iti aban isigiluk, yabu dikhak yugulogo waganhik, yo negen dalogo su ikhik, hagakherek motok dek mekeat he, ap kok Salomo etnogo obake waganekma hogorakhe lagoukha iti elokhoken erlok dek o. Eken iti anek he, eken motok hano iti 'bikhani o!

Lukas 12:29

Hinakla nen he, Ninapiri men, ninagei men, ki meke nugun iluk, iti mekeat kogotdiluk hinelabut hisik dogogup o.

1 Petrus 5:7

Allah hinebe akmu iti nen, hit yi meke ti meke hasik hinakla wene munini uan 'bero ebekhe lagap iti here'isalok hinetaiken at oba hakotdiluk dogono o.