Lukas 12:22 - ALLAH ANE WENW KET MEKE WAROGO WOKNINAKHIKHE WENE

²² Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

Lukas 12:22 Iomraidhean Croise

Lukas 12:11

Hit hinitema waganuagaluk akhuni nen it akhuni Yahudi meke sembayan egarekma etoma men, it ap pemerintah meke inelokhoma etoma men, it ap inetagapogot inelokhoma men, wokhisik 'binagei lugun halok he, hinakla nen, Nit ninoado tilogo wene oko ki meke ugun, iluk hinelabut hikhup o.

Lukas 12:23

Nekarek meke iti 'bugurlagat mekeat he, kok he, hinebe hiniluk dogosak itiat o. Nen, su ikhegarek meke iti 'bugurlagat mekeat he, kok he, hinebe itiat o.

Lukas 12:29

Hinakla nen he, Ninapiri men, ninagei men, ki meke nugun iluk, iti mekeat kogotdiluk hinelabut hisik dogogup o.

1 Korintus 7:32

Hit he, humi hasik, ap hasik, hinakla wene munini ebekhidek dogobageik nen iluk yokhisigi o. Itithogon igi iti, ap inagugi dek meke nen, ninoe Etagapogot akla hano asuagaluk at kogotdiluk inakla ebekharek o.

Filipi 4:6

Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.