Lukas 12:18 - ALLAH ANE WENW KET MEKE WAROGO WOKNINAKHIKHE WENE

¹⁸ Akla ebekhe lageikhesik nen, Yigithogon hagasigin, iluk, men akla apasikhe, O halekma alep 'bekhe lageima yi misalogo nen, yabokane kok meke ageikhe haldiluk nen, an nameke men, yi meke ti meke ai yakhi meke eken palogo men, o etoma motok 'bekhe dogogin.

Lukas 12:18 Iomraidhean Croise

Matius 6:26

Thue pogot obake nekherek meke iti hinileken lakhekhe dogolik hinakla ebetni o. It thue iti yi meke ti meke ai yakhik, eken ikhunem palogo obolukmo 'begarekma 'bigik, hagakharek dek mekeat he, hinopase pogot oba meke nen inapiri wogeisekherek o. Meke re, Allah nen it thue iti alon halinakherek nogo a? Dek o. Hit hinebeat alon halhinakhe dogolik, hinapiri wokhisagein dek nogo? Wokhisageinat o.

Lukas 12:17

at ap etnogo akla nen, Ai yakhi meke ebe eken doalegat ikhe iti, ebe palogo 'biginmo oboluk dekma, nikithogon hagasigin, iluk akla ebekhe lageikhe.

Lukas 12:19

Itithogon 'bakhalok werek korlek, nekaerek nen nasuk warekhe dogolik, Yogo. Mo dageigik, usigik, hagakhe korlek yi tahun ti tahun hasik nameke doalegat erlogat 'bakhigirikmo hano. Yogotak thet walogo dogolik, hipiri nikik, oken apusu nikik, neke dogolik nen, nakla arleken akhekhe dogogin o, iluk nekaerek nasuk warekhe dogogin, iluk apekhe lageikhemo,

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 12:24

At thue kin obabut hagakherek meke hutdini o. At nen yi meke ti meke ai yakhik, eken palhik, hagakherek motok dek. Nen yabokane nausak meke eken palogo o halekma 'bakhekherekma motok dek mekeat he, at Allah nen apiri wogokherek. Meke re, at Allah thue iti alon halinakherek nogo? Dek o. Hit hinebeat alon halhinakhe dogolik hinapiri wokhisagein dek nogo? Wokhisageinat o.

Lukas 18:4

Itithogon yogosi agunem, ap kok etnogo nen alebageik ane holhidek a'it hekhe lageikhe mekeat, yabokane akla ebekhe dogolik, An nobabut, Allah nayuk degat dogolik, akhuni agugurogo nakmurinakhidek mekeat,

Lukas 18:6

Itithogon yogeisasikhesik nen, at Yesus ninoe Etagapogot nen, ageikhe men yogeisasikhe, “Ap obabut korlo dogolik wene akhuni inoba 'bigik, kokhik, ekherek meke ekhe iti hutdini o.

Yakobus 3:15

Itithogon hagakharek iti Allah nen inakla kagalhunem hagakharek 'buk. Erlo at Iblis nenat inakla kagalhunem akhuni agat oba meke inobabut inikhogat dogolik, warlok apegarek meke hagakharek o.

Yakobus 4:13

Hit aperek nen he, “Yogotak a? Hubuluk a. O werlekmake lalok nen, tahun opakiat hakene dogolik, yi meke ti meke okokhik, thaburigik, hagakhe dogogin,” iluk ekhe lagap iti re!

Yakobus 4:15

Hit nen mot usak he, men apigi, “Ninoe Etagapogot akla nen yigithogon tigithogon apekhe halok he, ninilugat dogolik, yi meke ti meke hagakhe dogogun,” iluk ekhe dogosak mekeat he,