Lukas 12:17 - ALLAH ANE WENW KET MEKE WAROGO WOKNINAKHIKHE WENE

¹⁷ at ap etnogo akla nen, Ai yakhi meke ebe eken doalegat ikhe iti, ebe palogo 'biginmo oboluk dekma, nikithogon hagasigin, iluk akla ebekhe lageikhe.

Lukas 12:17 Iomraidhean Croise

Matius 16:7

Itithogon yogeisasikhemo, it-it wene ekhe dogolik, men isukha, “Roti etnogo ageikhe wolok wageidek iti nen ekhe higi,” iluk isinem

Matius 5:42

Nen, at ap ageikhe nen, Hameke iti an woknom, iluk kino isi halok he, hina'it hisigidegat wogosusak o. Nen, at ageikhe nen, Hat meke iti yabokane wokhesik nen, elanma hasik woknom, iluk isi halok he, Na'it, igidek wogosusagat o,” iluk yogeisasikhe.

Lukas 10:25

Wene itithogon yogeisekhe lageikhemo nen, yabokane ap Allah ane holal waganek yakulisekhe lageikhe meke ageikhe Yesus obabut paligiluk oba wageikhesik, men yogokhikhe, “Noe. An niluk motok dogeik nen, nobabut nikithogon hagakhe dogeik,” iluk yogokhikhemo,

Lukas 11:41

Halok he, hit meke yi meke ti meke piring akla temerogo 'bekhe lagap meke iti, akhuni inameke dek meke supusogo wogeisegep halok he, hit hinobasik yi meke ti meke tha'bokhogonat thobalek dogou hak hano dogogin o.

Lukas 12:16

wene ageikhe oba lisogon men yogeisasikhe, “Ap kok meke ageikhe nen wen agat mirlimo hanoma ai yakhikhemo nen, ebe eken doalegat ikhikhemo,

Lukas 12:18

Akla ebekhe lageikhesik nen, Yigithogon hagasigin, iluk, men akla apasikhe, O halekma alep 'bekhe lageima yi misalogo nen, yabokane kok meke ageikhe haldiluk nen, an nameke men, yi meke ti meke ai yakhi meke eken palogo men, o etoma motok 'bekhe dogogin.

Lukas 12:22

Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

Lukas 12:29

Hinakla nen he, Ninapiri men, ninagei men, ki meke nugun iluk, iti mekeat kogotdiluk hinelabut hisik dogogup o.

Lukas 12:33

Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.

Lukas 16:3

Itithogon yogokhikhemo, at atuaneke etnogo akla nen he, Noe nen, An naila dogolik nameke hago dogosak dek. Ula'agagin, ekhe iti, an nikithogon hagasigin. Ula'anhe halok, an wen waganhe dogosak iti re, an niki obatne erlok dek. Nen, nape kino weak yogeisilik nekhe dogosak iti, an nekarli.

Lukas 16:9

Iti halok he, an wene ageikhe yokhisak. Hinameke yi meke ti meke agat oba meke, inil damelogo korlo hagakharek meke iti dek aga halok, hinai hano motok dogosak oba wokhinabuagaluk, yogotak ya hinameke iti baga hinagarlak lak hinom ekayorakhe dogono o,” iluk yogeisasikhe.

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

Lukas 19:17

at oe etnogo nen, Nagot wa! Hat hobabut hano hagakhe laganma higi o. Herlekha'bugat meke hobabut hupukhogon hagakhe laganma iti nen, yogotak, o kota 10 nen yoma yabokane hat ite dogolik hagasik dogonogoluk arat meldagagi o, iluk yogokhikhe.

Lukas 3:11

at Yohanes nen, men yogeisasikhe, “Ap tha nen, inasu upu baga meke peretek werek halok he, at ageikhe asu dek meke ageikhe wogosusak o. Nen, hinapiri werek halok he, itithogonat yomageisausak o,” iluk yogeisasikhe.

La'isasikhe 16:30

Yabokane, at ap kok etnogo melageikhesik nen, inebe wogosik dukhi ageikhesik nen, men yogeisasikhe, “Nougi. An nebe Allah nen tilnabuagaluk, nobabut nikithogon hagasik,” iluk yogeisasikhemo,

La'isasikhe 2:37

Itithogon yogeisasikhemo, inasuk holhukhasik, wene iti baga inetaiken warekhe dogolik,it nen Petrus men, it aperek Yesus nen inayoko 'biluk la'isasikhe meke emenogo men, yogeisekhe dogolik, “Nagarlak lak. Nit ninobabut nikithogon hagasu heat,” iluk yogeisasukha.

Roma 12:13

Allah a'buri meke yi meke ti meke dekma werek halok supurisigik, ap huso inebe hinokodek meke wagunem hinaila hanorogon woginakhik, hagakhe dogono o.

1 Timotius 6:17

Yi meke ti meke tha'bokhogonat dek asigin mekeat he, it ap koktek inetaga werek meke iti inakla nen hogorakeke dogolik, “Nameke agat oba meke yoma motok doalegat yi nen nebe hano dogogin,” iluk, apekhe dogunogo. At he, at Allah yi meke ti meke tha'bokhogonat ninakla arlekenhogon horlekhe dogoagaluk kokhogon woknisekherek etnogo nenat hanotninabigin iluk hutdekhe dogoak nen inasuk wakhe dogono.

1 Yohanes 3:16

At Kristus nen tak nit akmutninakhikhesigat, ebe nit ninobasik eram nenat watlageikhe iti nen, nit nen it akhuni aperek inakmurinakharek wene iti, hutdekhe lago. Hutdekhe dogolik, at hagakhikhe iti hagat, nit ninagarlak lak ninerugi inebe ninakmu nen, ninebe it inobasik watlasusak hanoat o.