Lukas 12:14 - ALLAH ANE WENW KET MEKE WAROGO WOKNINAKHIKHE WENE

¹⁴ at Yesus nen, men yogokhikhe, “Hinebe hulogo 'binageiluk hinameke dopok suputhisausak iti, an meldanhemo apegen a?” iluk itithogon yogokhikhesik

Lukas 12:14 Iomraidhean Croise

Lukas 12:13

At Yesus nen itithogon yogeisugunem, it akhuni doalegat natogorlek welagoukha meke emenogo opakiat ageikhe nen, men yogokhikhe, “Noe. An noe nen nit ninopase watlaga dogolik, at iki 'biluk nit nipisak ninobasik 'biluk laga mekeat, nagarlak arligat horlekhesik werek iti, ageikhe mikirlogo woknisuak nen he, yogotno o,” iluk yogokhikhemo,

Lukas 22:58

Itithogon yogokhikhesik oba nen, welageidegat, ap ageikhe nen Petrus ileken halok nen, men yogokhikhe, “Hat yi, it mekeat apigi,” iluk yogokhikhe mekeat, at nen, “Noe. An dek o,” iluk yogokhikhe.

Lukas 5:20

Usa'isukhama, at Yesus nen, “It iti inetaiken an noba hakotdegasik nen wolok wageikha higi o,” iluk, ileken ekagat hisasikhesik nen, “Na'but o! Hat weak hagakhe lagan meke an nen thagalogo degetdisigi o,” iluk yogokhikhe.

Yohanes 6:15

Itithogon isukhama, at Yesus akla nen, “It iti witluk, an it inoe kok dogoagaluk inane inobatnerogon meldanugun higi,” iluk inobabut ekagat palhikhesik nen, o etoma here'isalok tom oba arligat dageisikhe.

Yohanes 8:11

at he etnogo nen, “Noe. Motok dek o,” iluk yogokhikhemo, Yesus nen, men yogokhikhe, “An meneke wene hoba 'biluk hasigin degat o. Haila lan o. Lalok nen he, hurli yogotak oba nen yabokane weak ageikhe hagakhe dogogun o,” iluk yogokhikhesik aila la'isikhe.]

Roma 2:1

Iti halok he, hit nagarlak lak nerugi yi. Wene it aperek anek inoba 'bekhe dogolik, hit hinekaerek hinoba korasak erlok dek o. Itithogon wene it aperek inoba 'bekhe dogoligat, hit nen it hinom ipisak tak-tagat hagakhe lagap yoma re! Hinekaerek nen wene hinoba motok 'bakhekhe lagap o.

Roma 2:3

Hit nagarlak lak nerugi. Hit nen, it aperek weak hagakhunem wene inoba 'bekhe dogolik, hit hinekaerek meneke, it hagariogei hagat, hinom ipisak tak-tagat hagakhe lagap yi re! Hit hinakla nen, “Allah nen wene ninoba 'bigidek here'inanigin,” iluk apekhe lagap a? Dek o. Wene hinoba 'biginat o.

Roma 9:20

Eiye! Nagot yi. At Allah ane isinem, hat hane oko dagakhogon yogosusak nogo? Erlok dek o. Akhuni nen isoak agat ka'bok meke hagakhunem he, agat ka'bok iti nen, at hagakhe werek iti yogokhe dogolik, “Hat nen an yigithogon nenaluk hagatnakhen,” iluk yogosusak nogo? Erlok dek o.