Lukas 11:52 - ALLAH ANE WENW KET MEKE WAROGO WOKNINAKHIKHE WENE

⁵² Halok he, hit ap Allah ane holal waganek yakulisegethep meke yi, uma thu hualogo ukuogoluk walhegarek hak, it akhuni aperek yi wene ti wene inilu asuogoluk walhugunem, hit nen kunci tilogo hago dogolik hinekaerek hinilu asuogoluk yakulhidek dogolik, it aperek yakuluogoluk hagakhunem, hit nen, Yakulusak dek o, iluk wenageisegethep iti nen, eiye! Allah nen weagathinabigin o,” iluk itithogon yogeisalok nen

Lukas 11:52 Iomraidhean Croise

Matius 22:35

ap ageikhe Allah ane holal waganek yakulisekhe lageikhe meke nen, Yesus obabut paligiluk oba hinok waganhe dogolik, men yogokhikhe,

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Lukas 11:53

o etnogo here'isalok itikman dukhi lageikhemo, it ap Allah ane holal waganek iteerek meke men, ap Farisi meke men, inakla aga at oba 'bekhe dogolik, “At Yesus iti ane igin oba wene, 'biluk ebe wasuok,” iluk itema kogat waganhik, heerlekha'bugat waganhik, hagakhe dogolik inileken waganhe lagoukha.

La'isasikhe 5:40

Inetaiken thebelhikhemo, it ap Yesus nen inayoko 'biluk la'isasikhe meke emenogo waisasukhama ukisukhama tugi inakhukhasik nen, “Yesus iti etaga palogo, wene yabokane itithogon yogeisekhe dogogup,” iluk inasuk warogo ula'isasukha.