Lukas 11:48 - ALLAH ANE WENW KET MEKE WAROGO WOKNINAKHIKHE WENE

⁴⁸ Hinopa lak nen ap Allah ane yogeisekhe lagoukha meke inakhukha etnogo, hit nen inoak thalinakhukhama o halogo 'bisehe lagap iti, Ninopa lak hagakhukha iti morat hagakhukha, iluk u hagat hagakhe lagap iti.

Lukas 11:48 Iomraidhean Croise

Matius 23:27

Hit ap Allah ane holal waganek iteerek meke men, ap Farisi meke men, hinoado baga anek hano thalek hinetaiken pere meke yi re! Hit he, hinebe men hakene. Akhuni watlageikharek meke agatma thalinakharekma etoma itikmanke anek he, apusu kut hano motok warek elokhoken hano werek korlegat, akla akhuni inoak obasi apenhogo welagarek iti hakene welagap o.

Matius 23:31

hinekaerek nen ekhe lagap iti, Nit ninebe, it ap haganeat Allah ane yogeisekhe lagoukha meke nit ninopa lak nenat inakhukha iti nen itago meke welago, iluk u hagat, ekhe lagap o.

Lukas 11:47

Hinopa lak nen ap Allah ane yogeisekhe lagoukha meke inakhe lagoukha. Nen, hit hinebe it nen itago meke dogolik, it iti inoak thalinakhukhama o halogo 'bisekhe lagap iti. Eiye! Allah nen weagathinabigin o.

Lukas 11:49

Itithogon hagakhethep iti nen, at Allah akla kagalek motok etnogo nen ekhe dogolik, An nen it ap an nane yogeisegarek meke men, inayoko 'biluk la'isa agarek meke men, it akhuni aperek inoba la'isa agunem, it nen inebe ebetlake inakhik, ebetlake yi aik ti aik hagarinakhik, hagasugun o, iluk isikhe tak-tagat,

Roma 1:32

Itithogon hagakharek iti nen, at Allah nen, “Akhuni inobabut itithogon hagakharek meke halok he, an nen ukum inoba 'biluk inebe motok inasusak mothogonat inasigin o,” iluk isikhe meke inilu dogoligat, it inekaerek nen itithogon hagakhoat welageikharek iti. It itithogon hagakhe dogolik, it akhuni aperek nen itithogonat hagakhunem nen, “Erlok hagakhe lagap,” iluk yogeisegaregat.

Yakobus 5:10

Nagarlak lak nerugi. Haganeat it ap Allah ane yogeisekhe lagoukha meke emenogo nen, “Ninopase Etagapogot nen ekhe mekeat yokhisekhe lago,” iluk yogeisugunem, it akhuni aperek nen inebe weagarinakhe korlegat, inakla puk ageidek inobakhanini hapugutdiluk welagoukha meke emenogo inobabut waganini o!