Lukas 11:41 - ALLAH ANE WENW KET MEKE WAROGO WOKNINAKHIKHE WENE

⁴¹ Halok he, hit meke yi meke ti meke piring akla temerogo 'bekhe lagap meke iti, akhuni inameke dek meke supusogo wogeisegep halok he, hit hinobasik yi meke ti meke tha'bokhogonat thobalek dogou hak hano dogogin o.

Lukas 11:41 Iomraidhean Croise

Matius 26:11

It akhuni inameke dek meke iti hit hinom motok dogogun mekeat he, an anek he, hit ninom motok dogogun dek o.

Matius 5:42

Nen, at ap ageikhe nen, Hameke iti an woknom, iluk kino isi halok he, hina'it hisigidegat wogosusak o. Nen, at ageikhe nen, Hat meke iti yabokane wokhesik nen, elanma hasik woknom, iluk isi halok he, Na'it, igidek wogosusagat o,” iluk yogeisasikhe.

Markus 7:19

Nekarek meke iti, inetaikenma ukekherek dek. Piokthek inelabutla usalok inamiso piokthegat usi lageikharek o,” iluk isikhe iti, “Yi meke ti meke yugunat neke dogosak. Usa dek o,” iluk isikhe iti.

Lukas 12:33

Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.

Lukas 16:9

Iti halok he, an wene ageikhe yokhisak. Hinameke yi meke ti meke agat oba meke, inil damelogo korlo hagakharek meke iti dek aga halok, hinai hano motok dogosak oba wokhinabuagaluk, yogotak ya hinameke iti baga hinagarlak lak hinom ekayorakhe dogono o,” iluk yogeisasikhe.

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

Lukas 19:8

at Zakeus etnogo melageikhesik nen, at ninoe Etagapogot men yogokhikhe, “Noe! An nameke yi meke ti meke tha'bokhogonat tumo heisogon mikirlogo it akhuni inameke dek inerlageik meke iti wogeisagein o. Nen, an nen akhuni nekalat nen nukhetdisigi meke halok he, oko niki 4 oba nen yabokane oba dukhogon wogeisagein o,” iluk yogokhikhe.

La'isasikhe 10:15

Itithogon yogokhikhemo, ane etnogo nen yogokhikhesik, ageikhe yabokane yogokhe dogolik, “Allah nen, Hano nausak, iluk ekhe halok, hat nen, Usa, nausak dek, iluk hakla apugun o,” iluk yogokhikhe.

La'isasikhe 11:29

Iti hipiri no ebe aban hagatlageidek werek korlek, it akhuni Yesus ane waganhukha meke emenogo nen he, “Halok he, nit ninebe tomok uang ninikimo aga meke tak-tagat Allah a'buri ninagarlak lak ninerugi o propinsi Yudea etoma natogokharek meke yomageisauwok nen natogorlogo la'uok o,” iluk wene palhukhasik uang natogokhukha.

La'isasikhe 24:17

An mo dageigik, usigik, tahun doalegat o Yerusalem lageidek welagarik nen, nagarlak lak nerugi ninebe opakiat meke iluk, uang ageikhe yomageisigik, Allah hasik ageikhe 'bisigik, hagasigiluk lagei.

2 Korintus 8:12

Hit meke dek meke 'buk. At he, werek meke hinetaiken oba nenat, it iti 'bisagun halok he, at Allah nen, “Hano 'bega,” iluk apagein o.

Efesus 4:28

Hit aperek nen hiniki abusak waganhe lagap meke halok, yabokane itithogon waganhidek dogolik, it inerlageik meke yomageisekhe dogouogoluk, hinekaerek nen yabu hano meke anek hiniki obatnerogon waganhe dogono o.

Titus 1:15

Allah nen akhuni aperek at hasik 'bakhalok hanorinakhe meke halok, it inobasik yi meke ti meke hano anek 'bisalok werek o. Itithogonat meke re, it aperek inetaiken Allah oba hakotdigidek dogolik, inakla apiliogei meke inom, eberiogei meke inom, weagat werek iti nen, it inobasik yi meke ti meke hano dek. Weak anek werek o.

Ibrani 13:16

Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

Yakobus 1:27

Ninopase Allah nen, “Akhuni nen an nakla hanorogo mot hano motok hagakhe dogosak he, yigithogon. Yekerugi irlagakot meke inom, humi thoge meke inom, nuk atluk werekma yomageisigik, akhuni agat oba weak hagariogei meke iti inobabut waganhidek inekaerek nen kareligik, hagakhe dogosak o,” iluk akla apekherek iti o.