Lukas 11:32 - ALLAH ANE WENW KET MEKE WAROGO WOKNINAKHIKHE WENE

³² Nen, at Yunus iti nen it akhuni o Niniwe meke etoma Allah ane yogeisekhe lageikhemo, inobabut hebelatluk, yi weak ti weak hagakhe lagoukha meke thogotdisasukha o. Meke re, at Yunus iti etaga dek negenat o. Nen, at yoma werek yi anek he, motok kogat o, iluk, o ilugun hurli baga Allah nen akhuni ukum inoba 'bigik, kokhik, hagasigin itinem, akhuni o Niniwe meke etoma inebe melatluk, hit akhuni o yogotak welagap meke yi men yokhisagun, Hit weak, hinekarli, iluk yokhisagunat o,” iluk yogeisasikhe.

Lukas 11:32 Iomraidhean Croise

Matius 12:39

at Yesus nen, “Hit akhuni o yogotak welagap meke yoma re, hinobabut weak anek hagarik nekhe dogolik, Allah hinom dopokhogon dogou'buk yoma re! Itithogon dogolik, hit nen, Nit nen hutdaguok nen, hat nen elalin meke ageikhe hagasin he, iluk yoknekhe lagap mekeat he, an nen elalin ninat meke ageikhe hagasigin motok dek o. At Yunus Allah ane yogeisekhe lageikhe meke nen akhuni aperek hutduagaluk elalinat hagakhikhe iti hak anek, an nen yabokane ageikhe hagakhunem hinileken neagun o.

Matius 12:41

At Yunus iti nen it akhuni o Niniwe meke etoma Allah ane yogeisekhe lageikhemo, inobabut hebelatluk, yi weak ti weak hagakhe lagoukha meke here'isasukha o. Meke re, at Yunus iti etaga dek negen. At ageikhe yoma werek yi anek, kogat etogo nen, o ilugun hurli baga Allah nen akhuni ukum inoba 'bigik, kokhik, hagasigin itinem, akhuni o Niniwe meke etoma inebe melatluk, hit akhuni o yogotak welagap meke yi men yokhisagun, Hit weak, hinekarli, iluk yokhisagun o.

Lukas 11:31

Haganeat at he kok etagapogot ai o i aputmo wema eloma walegat etoma nen at ap kok Salomo iti akla kagalek motok dogolik hagakhe lageikhe meke asuk holigiluk wageikhe. Meke re, ap kok Salomo iti ebe erlok dek negen. Meke re, at yogotak werek yi anek he, kogat o, iluk, o ilugun hurli baga Allah nen akhuni ukum inoba 'bigik, kokhik, hagasigin itinem, at he kok iti melatluk nen, hit akhuni o yogotak welagap meke yi men yokhisagein, Hit weak, hinekarli, iluk yokhisagein o.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.