Lukas 11:29 - ALLAH ANE WENW KET MEKE WAROGO WOKNINAKHIKHE WENE

²⁹ Itithogon yogokhikhemo, akhuni motok doalegat Yesus oba natogosi agoukhama, at nen men yogeisasikhe, “Hit akhuni o yogotak welagap meke yoma hinobabut weak anek hagakhe lagap o. Hit nen, Nit hutdaguok nen, hat nen elalin meke ageikhe hagasin he, iluk, yoknekhe lagap meke re, an nebe hutdanubageik iluk, an nen elalin ninat meke ageikhe hagasigin motok dek o. At Yunus nen akhuni hutduagaluk elalinat hagakhikhe iti hak anek an nen yabokane ageikhe hagakhunem hinileken neagun o.

Lukas 11:29 Iomraidhean Croise

Matius 3:7

Itithogon, hagakho werekma, it ap Farisi meke aperek inom, ap Saduki meke aperek inom, inebe doalegat nen, “Nit ninomat ima usa'inanuak,” iluk oba wagunem yigithogon yogeisekhe lageikhe, “Hit warlo pelal nen itago meke yomarani! Hit nen Allah akla aga apik dageigin etnogo hinoba 'bisinem lo erlok lugun iluk tha nen husupi yokhisekhemo? Erlok dek o.

Markus 8:38

Akhuni yoma inobabut weak dogolik Allah ane inom dopokhogon welageidek, yi weak ti weak hagariogei meke iti hinomat dogolik, it inilhanem tha nen, An Yesus agot, igik, an nane iti yogeisigik, u re, ape ekarli halok, an abat itaklasi agagi etnogo yabokane nopase hogorakho motok welageikharek hak hagatlatluk, it malaikat Allah ekaerek hasik yoko usa'isa agarek meke emenogo ninom witluk, At yi an nagot, iluk nane pakhogon u re, nekarliat asigin o,” iluk yogeisasikhe.

Lukas 11:16

it aperek nen, at Yesus obabut paluogoluk, men yogokhukha, “Hat hebe Allah nen la'agei agama wagan halok he, nit nen hutdaguok nen, hat nen elalin meke ageihe hagasin ta,” iluk yogokhukha.

Lukas 11:50

pogot agat walhasikhe hurli nen ebekeram Habel oe nen amep ulabogo wakhikhe nen, logat it ap Allah ane yogeisekhe lagoukha meke inarik inarik, hurli ap Zakharia Allah ai halekma, o at ako warogo hetu hunekhe lagoukhama turlem heisogon amep ulabogo wakhukha iti hurli, inamep usakhikhe iti tha'bokhogonat hit akhuni yogotak welagap meke yi hinoba 'bigin o.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 9:41

Itithogon yogokhikhemo, at Yesus nen it akhuni doalegat emenogo men yogeisasikhe, “Ap yirani! Hit akhuni o yogotak welagap meke yi, hinetaiken noba hakotdigidek dogolik, nuk akhekhe lagap yoma re! Nakla pugurakhe lagap yoma niki meren oba nobakhanini hapugutdiluk ninom dogogun nogo!” iluk yogeisalok nen, ap etnogo men yogokhikhe, “Ha'but ithi wolok eme o,” iluk yogokhikhe.

Yohanes 2:18

Yesus nen it ap emenogo itithogon yogeisasikhemo, it ap koktek Yahudi meke nen Yesus ebe wenagakhe dogolik men yogokhukha, “Hat nen hagakhen yi re, iteerek dogolik hagasusak oba hagakhenma iluk, hutdaguok nen, elalin meke ageikhe hagasin ta,” iluk wenageikhukha.

Yohanes 6:30

it nen men yogokhukha, “Hebe hutdaguagaluk, elalin meke ageikhe hagakhunem ninileken 'bikhealok, ninetaiken hoba hakotduok nen, ebe ki meke hagasigin. Ageikhe nikithogon hagasigin.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

1 Korintus 1:22

It akhuni Yahudi meke nen ekhe dogolik, “Wene hutdusak he, elalin meke ageikhe hagatni o,” igik, it akhuni Yunani meke nen, “Wene hinakla kagoukhogon ageikhe yoknisani o,” igik, iluk egarek mekeat