Lukas 11:22 - ALLAH ANE WENW KET MEKE WAROGO WOKNINAKHIKHE WENE

²² Mekeat he, ap ageikhe at obatne hakene dek. At he, obatne otok weak meke ap etnogo aila ukitluk, ebe obatne degetdigik, asikhe arege oba dukthek dogogin meke etnogo tilhe dogolik, ameke yi meke ti meke emenogo waganogo motok it aperek supusogo wogeisagein o.

Lukas 11:22 Iomraidhean Croise

Lukas 11:21

Ap ageikhe obatne werek meke nen asikhe arege nomologo 'bakhalok aila thuam dogogin halok he, ameke yi meke ti meke tha'bokhogonat hano karelek dogogin o.

Lukas 11:23

Nen, tha nen ebe an werekmake ageidek halok he, at iti an nipisak wim palek mekeat o. Nen, tha nen an nipisak natogorinakhe lago dek meke halok he, at iti nenat mukhogo ula'isiliogo o,” iluk yogeisasikhe.

Efesus 6:11

At Iblis obabut kauk meke etnogo nen weagathinabigiluk wagunem, wim yabuogoluk thin ikharek hak, hit hinebe metegat dogouogoluk, at Allah nen yi meke ti meke woknisekherek meke iti tha'bokhogonat hinoado laberogo dogono o.

Efesus 6:13

Halok he, weak meke nen weagathinabi agunem wim hinilhaoak a'bet weak metegat dogoluk, arat yabiluk nen metek dogouogoluk, thin ikharek hak, Allah nen yi meke ti meke woknisekherek iti meke itno.

Kolose 2:15

At Kristus ebe o iti baga watlaga dogolik, Iblis agarumi koktek inobatne werek meke inom erlok degetdisalok, akhuni nen thili meke inom wim yakhe dogolik inobatne atluk, inebe iniluk herle warogo akhuni inil oba wogosik wageikherek hak, at Kristus nen thelekma inekarli wakhikhe iti.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.