Lukas 11:2 - ALLAH ANE WENW KET MEKE WAROGO WOKNINAKHIKHE WENE

² at Yesus nen, “Hit sembayan uogoluk halok he, yigithogon ekhe dogono, Ninopase. Hat hekaerek hetaga kogotdekhe dogoagaluk hagatninabi me o. Nit ninebe hat hapma dogoagaluk 'binani me o.

Lukas 11:2 Iomraidhean Croise

Matius 10:32

Itithogon yogeisasikhesik, ageikhe men yogeisasikhe, “Tha nen, Yesus iti an noe o, akhuni inil oba ane pakhogon isi halok he, an meneke, At iti an nagot o, iluk nopase pogot oba meke il oba, nane pakhogon iginat o.

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 5:16

Iti hak, hit hano hagakhunem, it aperek nen, It hano hagariogei, iluk hinopase pogot oba meke etnogo hogorasuak nen, hit akhuni iniloba iti hakeneat liarogo dogono o,” iluk yogeisasikhe.

Lukas 11:1

Iniki ageikhe baga, at Yesus o ninmoat dogolik, sembayan ekhe lageikhe. Sembayan arat isikhemo nen, at agarumi ane waganhe lagoukha meke emenogo opakiat ageikhe nen, men yogokhikhe, “Noe. At Yohanes nen, at agarumi ane waganhe lageikha meke sembayan ekhe dogoagaluk yakulisekhe laga iti hak, nit meneke itithogonat sembayan ekhe dogoagaluk ageikhe yakulnisan o,” iluk yogokhikhemo,

Roma 1:7

Hinebe at ekaerek 'binageiluk hinayoko 'bisikhemo welagap o. Iti nen, an nen wene holal waganogo hinoba la'i aga dogolik, Ninopase Allah men, ninoe Etagapogot Yesus Kristus men, ipisak inobabut hano etnogo nen hano meke wokhisigik, hinetaiken hapugutdinagagik, hagakhe dogoak o iluk, igi o.

1 Korintus 1:3

Ninopase Allah, ninoe Etagapogot Yesus Kristus ipisak inobabut hano etnogo nen, hano meke wokhisigik, hinetaiken hapugutdinageigik, hagakhe dogoak o.

2 Korintus 1:2

Ninopase Allah ninoe Etagapogot Yesus Kristus ipisak inobabut hano etnogo nen, hano meke wokhisigik, hinetaiken hapugutdinageigik, hagakhe dogoak o.

Galatia 1:4

Nit weak hagakhorek iti nen ninopase Allah akla nen, “Itithogon hagasuak,” iluk akla apasikhe baga, at Yesus Kristus nen nit akhuni agat oba meke yoma tilninabigiluk, etaiken nenat nit ninobabut weak motok hagakhorek meke iti ukum at ekaerek nen oba 'bakhalok watlageikhe iti.

Efesus 1:2

Ninopase Allah ninoe Etagapogot Yesus Kristus ipisak inobabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

Filipi 1:2

Ninopase Allah, ninoe Etagapogot Yesus Kristus ipisak inobabut hano etnogo nen hano meke wokhisigik, hinetaiken hapugutdinageigik, hagakhe dogoak o.

Filipi 4:20

Halok he, ninopase Allah hogorakho motok dogouok o, iluk “Amin,” igi iti.

1 Tesalonika 1:1

Hit Allah a'buri o Tesalonika natogokhe dogolik, ninopase Allah inom, ninoe Etagapogot Yesus Kristus inom, hinom hunik welagap meke, nagarlak lak nerugi. An Paulus, Silas Timotius ipisak ninom nen, wene yi holal waganogo hinoba la'i ago iti o. Ninopase Allah obabut hano etnogo nen hano meke wokhisigik, hinetaiken hapugutdinagagik, hagakhe dogoak o.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

A'bikaka 11:15

Itithogon hisigirik oba nen, it malaikat inebe 7 baga emenogo, inebe 6 oba inapikon arat ane huthegasik oba nen, ageikhe apikon ane huthasinem, pogot oba nen inane kogat yigithogon isinem holhi, “Alep akhuni agat oba meke nen inapma 'bisalok hagasik welagoukha meke, yogotak ninopase Etagapogot Allah nen ninoe Kristus nen tilninabuagaluk meldisikhe meke etnogo ipisak nen inapma arat 'binagasik, at Kristus nen haknisik motok-motok dogogin o,” iluk ekhe lageikha.

A'bikaka 19:6

Itithogon ugunem nasuk holhirikmo nen yabokane, akhuni doalegat doalogo dogolik, inane i kok meke ane ekherek hak inom, pogot ane kok sup iluk ane luk-luk lagarek ane hakene inom, men ekhe lageikha, “Ninopase Allah hogothakhe lago, u hak, Haleluya, ekhe lago. Hat hobatne motok horleakma, yi meke ti meke hagasusak anek etnogo nen, yogotak arat hapma 'binanhetik haknisik welagan o.

A'bikaka 20:4

Itithogon higirik oba nen yabokane, ap koktek inobolukmo doalegat werekma etoma inebe doalegat kok dogolik, akhuni aperek inapma 'bisalok hagasik dogolik ukum inoba 'bigik, kokhik, hagakhe dogoagaluk iteerek 'bisegama hisigi. Nen, ageikhe higiat. It akhuni helo yeke hakene kok meke etnogo inom, akaneke at ebe hakene alino hagarek etnogo inom, hogorinakhidek etaga thalek holal waganek etnogo inetai ekerlogo inilhaoak oba a? Iniki baga a, waganhidek here'isalok, Yesus hagakhe lageikhe meke yogeisilik nekharek hasik inom, Allah ane hasik inom, inarlokop ade 'bogokhogon palogo inakhukha meke emenogo arat inapuke inilugurinabiluk, meldisekhesik nen welageikha hisigi. Nen, it at Kristus inom akhuni aperek inapma 'bisalok hagasik, mulikin dageigik usigik hagakhe korlek, 1.000 tahun welageikha hisigi.