Lukas 11:1 - ALLAH ANE WENW KET MEKE WAROGO WOKNINAKHIKHE WENE

¹ Iniki ageikhe baga, at Yesus o ninmoat dogolik, sembayan ekhe lageikhe. Sembayan arat isikhemo nen, at agarumi ane waganhe lagoukha meke emenogo opakiat ageikhe nen, men yogokhikhe, “Noe. At Yohanes nen, at agarumi ane waganhe lageikha meke sembayan ekhe dogoagaluk yakulisekhe laga iti hak, nit meneke itithogonat sembayan ekhe dogoagaluk ageikhe yakulnisan o,” iluk yogokhikhemo,

Lukas 11:1 Iomraidhean Croise

Lukas 10:42

Meke re, wene opakiat meke anek hagasusak werek korlegat, hat nen yi meke ti meke hagakhe lagan. Hagot Maria yi, wene opakiat hano meke itiat wenago 'bakhekhesikmo, it akhuni aperek nen ikimo tilogo waganusak dek meke 'bakhekhesik werek o,” iluk yogokhikhe.

Lukas 11:2

at Yesus nen, “Hit sembayan uogoluk halok he, yigithogon ekhe dogono, Ninopase. Hat hekaerek hetaga kogotdekhe dogoagaluk hagatninabi me o. Nit ninebe hat hapma dogoagaluk 'binani me o.

Lukas 6:12

Itinem, at Yesus sembayan igiluk tom oba dageisikhe. Dageisikhesik yibako-hibako Allah ayoko 'bisi motok werekma o arat wi ageikhe.

Lukas 7:13

ileken lageisasikhe. Lageisasikhesik ninoe Etagapogot nen, agosa etnogo ileken halok akmu ageikhesik nen, men yogokhikhe, “Neru. De aga 'buk o,” iluk yogokhikhesik nen,

Lukas 7:19

men yogeisasikhe, “Ap ageikhe wisigin ekhe lagoukha etnogo harat a? E a, at he, ap ninat meke ageikhe therogo dogogun a, iluk oba hinok wagani lani o,” iluk ninoe Etagapogot oba la'isa ageikhe.

Lukas 9:18

Iniki ageikhe baga, Yesus arligat sembayan isinem, at agarumi ane waganhe lagoukha meke emenogo oba wagoukha. Wagoukhama, at nen hinok inoba waganhe dogolik, men yogeisasikhe, “Akhuni doalegat nen an nebe hasik nabok ekhe dogolik tha iliogei nogo,” iluk yogeisasikhemo, it nen, men yogokhukha,

Lukas 9:28

At Yesus nen wene iti arat yogeisasikhesik nen, noge iniki 8 negen iluk nen, Petrus men, Yohanes men, Yakobus men, wogosik sembayan igiluk tom oba dageisikhe.

Ibrani 5:7

At Yesus ebe agat oba yoma werekma watlasunogo iluk, Allah nen erlogat tilusak iti nen, de aga dogolik, ane kogat Allah etaga palogo ayoko 'bigik, kino yogokhik, hagakhe dogolik, opase ane ayukhogon hologo welageikhe iti nen, Allah nen ane asuk holhikhe.

Yudas 1:20

Meke re, nagarlak lak nerugi. Hinebe nakmu lak o. Wene Allah ekaerek nen woknisasikhemo hinetaiken Yesus Kristus oba hakotdiluk, hinetaiken horlerogonat dogono o. Itithogon dogolik, Allah Agoreke hinakla kagalhunem sembayan ekhe dogono o.