Lukas 10:9 - ALLAH ANE WENW KET MEKE WAROGO WOKNINAKHIKHE WENE

⁹ O ukul etoma dogolik, it aperek inoba u warek halok, hit nen hano hagarinakhe dogolik, Allah nen apma 'binanigin etnogo yogotak arat 'binanigin o, iluk yogeisekhe dogono.

Lukas 10:9 Iomraidhean Croise

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 4:17

Dagei ageikhesik dogolik, hurli iti hurli nen, akhuni etoma yogeisekhe dogolik, “At kok pogot oba meke nen apma 'bisagein etnogo yogotak arat apma 'bisagein o. Halok he, weak hagakhe lagap meke here'isalok hinobabut hebelatni o,” iluk yogeisilik nekhe lageikhe.

Markus 4:30

Itithogon yogeisasikhesik nen, yabokane ageikhe men isikhe, “Allah apma 'bisekherek iti nena meke hakene ugun. Nen, nena meke oba lisogon ugun.

Markus 6:13

mokat inobabut weak meke doalegat akhuni inakla ukiluk werekma mukhogo ula'isigik, u inoba welagoukha meke inebe doalegat minyak eken apusu inukuloak oba usabogo hano hagarinakhik, hagarik lagoukha.

Lukas 10:10

Meke re, o ukul ageikhe hit ukugun oba etoma nen heagei warogo wokhinakho dek halok, hinebe dukhitluk holagarlem asi lalok nen, men ino,

Lukas 10:11

Nit hit hinaila dogolik agat abubuleke ninisok oba dekelogo meke yi, hit weak iluk hiniloba horogo podisogo yi. Hinakla nen, Allah apma 'binanigin etnogo yogotak arat 'binanigin, iluk, hanorogon hutdekhe dogono, iluk yogeisano.

Lukas 9:2

Itithogon hagarinakhikhesik, it nen Allah apma 'bisagein wene etnogo yogeisigik, u warek meke hano hagarinakhik, hagarinabik loagaluk la'isasikhe.

Yohanes 3:3

Itithogon yogokhikhemo, at Yesus nen, men yogokhikhe, “Akhuni Allah nen inebe yabokane inapuke ket itaginakhidek halok, at apma 'bisekherekma etoma inileken hugun motok dek o, iluk, nane eberogonat yokhekhe lagei,” iluk yogokhikhemo,

Yohanes 3:5

at Yesus nen, men isikhe, “Akhuni i baga men, Allah Agoreke baga men, itaginakhidek halok, Allah nen apma 'bisekherekma etoma ukugun motok dek o, iluk, nane eberogonat yokhekhe lagei o.

La'isasikhe 28:28

Itithogon yogeisasikhesik, wene ilokon warogo men yogeisasikhe, “Itithogon isikhe iti nen, wene yi hinilu asubageik iluk yokhisak, Allah nen akhuni aperek nen, at nen tilinakherek wene iti, it akhuni itikmanke meke yogeisa loagaluk inayoko 'bekhemo yogeisiliogei. It itithogon yogeisugunem, inasuk hologo hagasugun o, iluk hinilu asubageik iluk yokhisigi iti o,” iluk Paulus nen yogeisasikhe. [

La'isasikhe 28:31

Itithogon woginakhunem, it aperek nen wenagakhidek werek korlek, at ayuk dek pakhogonat wene Allah nen apma 'bisekherek wene etnogo yogeisigik, ninoe Etagapogot Yesus Kristus hagakhe lageikhe wene etnogo yakulisigik, ekhe lageikhe.