Lukas 10:25 - ALLAH ANE WENW KET MEKE WAROGO WOKNINAKHIKHE WENE

²⁵ Wene itithogon yogeisekhe lageikhemo nen, yabokane ap Allah ane holal waganek yakulisekhe lageikhe meke ageikhe Yesus obabut paligiluk oba wageikhesik, men yogokhikhe, “Noe. An niluk motok dogeik nen, nobabut nikithogon hagakhe dogeik,” iluk yogokhikhemo,

Lukas 10:25 Iomraidhean Croise

Markus 10:17

Wene itithogon yogeisalok at Yesus o etoma nen holak piokthek lagaluk lagunem, ap ageikhe pirlirli oba wageikhe. Wageikhesik itibagal yukukhogon apma hureklasi ageikhesik nen, men yogokhikhe, “Guru noe. Wene yakulnisekhe lagan iti, hat hano o. An naburlal-haburlal hagatnabuak nen, an nobabut nikithogon hagakhe dogosak,” iluk yogokhikhemo,

Markus 10:3

Hinok itithogon waganhukhama, at Yesus nen men yogeisasikhe, “At Musa nen wene nikithogon hinasuk wakhikhe nogo,” iluk isikhemo,

Markus 12:28

Wene itithogon inom isi korlek, it ap Allah ane holal waganek iteerek meke emenogo opakiat ageikhe wageikhesik asuk holek welageikhesik, akla nen men apasikhe, “It ap yi Yesus oba hinok waganhama at nen wene oko mothogon yogeisekhe higi,” iluk akla apasikhesik men yogokhikhe, “Noe. Wene Allah nen ninasuk wakhikhe wene etnogo wene ebe kok he, ki isikhe apegen,” iluk hinok Yesus oba waganhikhe.

Lukas 10:24

It ap Allah ane yogeisekhe lagoukha meke inom, koktek inetagapogot meke inom, inebe doalegat hit hinileken hekhe lagap meke iti, Ninileken helo e, inakla apekhe lagoukha mekeat he, inileken higidek welagoukha. Nen, wene hinasuk holhe lagap meke iti, Ninasuk holilo e, iluk, inakla apekhe lagoukha mekeat, inasuk holhidek welagoukha,” iluk yogeisasikhe.

Lukas 10:26

at Yesus nen, men yogokhikhe, “Wene Allah nen ninasuk wakhikhe wene etnogo holal nikithogon waganek werekma etaga thalhe lagan,” iluk yogokhikhemo

Lukas 18:18

Itithogon yogeisekhe lageikhemo, it akhuni Yahudi meke inoe kok ageikhe nen Yesus men yogokhikhe, “Noe. Wene yakulnisekhe lagan iti, hat hano o. An naburlal-haburlal ite asik nen, an nobabut nikithogon hagakhe dogosak,” iluk yogokhikhemo,

Lukas 7:30

Itithogon isukha meke re, it ap Farisi meke men, it ap Allah ane holal waganek yakulisekhe lagoukha meke men, anek, Yohanes nen ima usa'isoagaluk lageidek dogolik Allah nen itithogon hagakhe dogoagaluk akla apasikhe meke etnogo ina'it nen thogotdisalok welagoukha.

Yohanes 8:6

Wene itithogon yogokhukha meke, Yesus ape baga wene oko isinem ekarli warogo wene oba 'buogoluk isukha mekeat, at ut thoma iluk iki sisik nen agat oba holal waganhikhe.

Galatia 3:18

“Itithogon wokhesigin,” iluk, Abraham abok tak yogokhikhe meke iti, at nen wene Allah nen ninasuk wakhikhe wene etnogo mothogon hagakhe lageikhe baga wogotlepma, abok yogokhikhe etnogo, we oko degat wogokhikhe iluk ilep 'buk. Meke re, Allah obabut hano nen Abraham abok yogokhikhe iti nenat, ebe we oko degat wogokhikhe iti.