Lukas 10:17 - ALLAH ANE WENW KET MEKE WAROGO WOKNINAKHIKHE WENE

¹⁷ Yabokane it ap inebe 70 la'isasikhe meke emenogo inakla arleken akhalok, inapuke wagoukhasik, men isukha, “Ninoe! Nit nen mokat obabut weak meke iti,hat hetaga palogo yogokhunem ninane inasuk holhe lagaikha o,” iluk yogokhukhama

Lukas 10:17 Iomraidhean Croise

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Markus 16:17

It akhuni aperek nen wene iti eberogonat iluk apoagaluk, it wene eberogonat iluk waganugun meke nen, yigithogon hagakhe dogogun. Mokat obabut weak meke it aperek inakla ukiluk werekma an netaga palogo mukhogo ula'isigik, inane it akhuni ninat meke inane inokodek meke elalinat igik, hagakhe dogogun.

Lukas 10:1

Itithogon yogeisasikhesik, ninoe Etagapogot nen ap inebe 70 baga witaberogo 'bisalok nen, at ekaerek yi ai ti ai o ukul tomok lagaluk akla apasikhe oba dopok, it iti tak alebageik inebe peretek dopokhigik la'isasikhe.

Lukas 10:20

Itithogon meke re, it mokat inobabut weak meke nen hit hinane holharek iti baga, hinakla arleken akhugup o. At he, hinetaga pogot oba holal waganek werek iti hasik anek, hinakla arleken akhekhe dogoni o,” iluk yogeisasikhe.

Lukas 10:9

O ukul etoma dogolik, it aperek inoba u warek halok, hit nen hano hagarinakhe dogolik, Allah nen apma 'binanigin etnogo yogotak arat 'binanigin o, iluk yogeisekhe dogono.

Lukas 9:1

Itithogon yogeisalok, at Yesus nen agarumi ane waganhe lagoukha meke inebe 12 emenogo natogosisuagaluk waisasikhemo wagoukhama, it nen yi mokat ti mokat inobabut weak meke akhuni inakla ukiluk werekma mukhogo ula'isigik, yi u ti u inoba werek halok hagarinakhik, hagarik loagaluk obatne wogeisasikhesik iteerek hagarinakhikhe.

Roma 16:20

At Allah akhuni inetaiken hapugutdekherek meke etnogo nen, at Iblis iti hinisok nen al debelogo here'isoagaluk ibat hinapma 'bisigin werek o. Ninoe Etagapogot Yesus obabut hano etnogo nen thethisik dogoak o.

Efesus 5:24

Nen, nit Allah a'buri Kristus apma dogolik ane hologo hagakhorek hak, hit humi, yi meke ti meke hasik tha'bokhogonat hagasuogoluk, hinaguniat inapma dogolik inane hologo hagakhe dogono o.