Lukas 10:15 - ALLAH ANE WENW KET MEKE WAROGO WOKNINAKHIKHE WENE

¹⁵ Nen, hit akhuni o Kapernaum meke yi hinakla nen, Allah nen pogot oba lia'inaniluk kogotninabigin, iluk hinekaerek hogorakeke lagap a? Motok dek o. Akhuni watlatluk lageikharekma etoma motok usa'inagagin o,” iluk yogeisasikhe.

Lukas 10:15 Iomraidhean Croise

Matius 10:28

Akhuni nen hinagoreke hinasusak erlok dek. Hinoado itikmanke anek hinasugun iti nen, hinayukhogon dogogup o. Meke re, at Allah anek, hinagoreke inom, hinoado itikmanke inom, erlok motok warogo hetu aikmo la'inagusak werek iti nen, at Allah at hinayukhogo dogono.

Matius 11:23

Nen, hit akhuni o Kapernaum meke yi hinakla nen, Allah nen pogot oba lia'inaniluk kogotdinanigin, iluk hogorakeke lagap a? Motok dek o. Akhuni watlatluk lageikharekma etoma motok usa'inagagin o. Akhuni nen hagasusak dek meke an nen elalinat hit ninom dogolik hagakhe lagei etnogo, o Sodom etoma hagakhe dogolema, it etoma inebe dek ageidek yogotak ya motok hunigat dogolep o.

Matius 4:13

Dagei ageikhesik, o ukul Nazaret etnogo thogotdiluk nen, o ukul Kapernaum i Galilea yekelek aik obake etoma, it ap inukuloak etaga Zebulon meke inom, Naftali meke inom, inaila etoma dogeigiluk dagei ageikhe.

Lukas 13:28

Itithogon yokhisaumo, hit itikmanke dogolik, ap Abraham men, Yakub men, Ishak men, ap ebetlake Allah ane yakulisekhe lagoukha meke emenogo men, Allah apma hanoma etoma werekma, hinileken kolageisagun o. Nen, hit anek, thu larogo ula'inagoumo thikmanke etoma dogolik, hinaik kirlidik makhik, di ago de ago hagakho motok dogogun o.

Lukas 16:23

Nen, ebe watlatluk lageikharekma eloma lageikhesik motok weagat dogolik, he, elokhoken hebenokhogon liakhasikhe meke, Lazarus Abraham alilu werekma ileken liagisasikhe.

2 Petrus 2:4

It malaikat Allah nen yoko usa'isa agarek meke aperek weak hagakhukhama, Allah nen here'isigidek, ukum yabokane inoba 'bigiluk nen, o mummo weakma iniki herle warek dogoagaluk usa'isasikhe iti.