Lukas 10:11 - ALLAH ANE WENW KET MEKE WAROGO WOKNINAKHIKHE WENE

¹¹ Nit hit hinaila dogolik agat abubuleke ninisok oba dekelogo meke yi, hit weak iluk hiniloba horogo podisogo yi. Hinakla nen, Allah apma 'binanigin etnogo yogotak arat 'binanigin, iluk, hanorogon hutdekhe dogono, iluk yogeisano.

Lukas 10:11 Iomraidhean Croise

Matius 10:14

Nen, it etoma nen hinebe wokhinakhidek dogolik hinane waganhidek thogotdisega halok he, o etoma here'isalok hinapuke dukhi aga dogolik, hinisok hola negen horogo 'biluk dukhitno.

Matius 10:7

'Birisa laga dogolik, men yogeisilik lano o, Ninopase Allah pogot oba meke apma 'binanigin etnogo yogotak arat 'binanigin o, iluk, yogeisilik lano o.

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Markus 6:11

It akhuni o ageikhe nen hinebe wokhinakhik, hinane holhik, hagakhidek halok he, o iti nen dukhi aga dogolik, it o etoma meke inakla hutduagaluk, hinisok hola negen horogo 'biluk dukhitno,” iluk inasuk warogo la'isasikhe.

Lukas 10:10

Meke re, o ukul ageikhe hit ukugun oba etoma nen heagei warogo wokhinakho dek halok, hinebe dukhitluk holagarlem asi lalok nen, men ino,

Lukas 10:9

O ukul etoma dogolik, it aperek inoba u warek halok, hit nen hano hagarinakhe dogolik, Allah nen apma 'binanigin etnogo yogotak arat 'binanigin o, iluk yogeisekhe dogono.

Lukas 9:5

Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

La'isasikhe 13:26

Halok he, hit akhuni Abraham nen itago meke men, itikmanke meke Allah ane hologo hagakhe lagap meke yoma hinom welagap meke men, nagarlak lak nerugi. Wene tilninabusak wene iti Allah nen nit ninoba la'i agama yi.

La'isasikhe 13:40

Meke re, it ap Allah ane yogeisekhe lagoukha meke emenogo nen, men isukha, Hit o yogotak welagap ya baga, an nen yi meke ti meke hagakhunem, at ageikhe nen mothogon yakulhisugunem, hit nen eberogonat iluk hutdigidek dogolik hinakla meanetdekhe lagap meke yi lakhani! An nen itithogon hagakhunem hinileken halok hogorakhe dogolik, hinebe watlakhagun iti! iluk Allah nen isikhemo holal waganogo 'bisukha iti hak, hit hinoba asinogo iluk, wene hinasuk hanorogo holhe dogono o,” iluk yogeisasikhe.

La'isasikhe 13:46

Itithogon hagakhukha mekeat he, it Paulus Barnabas ipisagat inayuk dekhogonat dogolik, men isukha, “Allah ane iti hit tak yokhisausak obaat yokhisa ago mekeat, hit hina'it nen here'isegesip, hinekaerek nen, Nit naburlal-haburlal hagatninabusak erlok dek o, iluk u hagat, ekhe lagap iti nen, nit ninoe Etagapogot nen ninayoko 'bekhe dogolik yoknisasikhe hagat, hagasugun. At nen, An nen akhuni itikmanke meke liarinakhik, o ilugun oba werek meke tilinakhik, hagasigiluk, isagal yibarlek hakene, hit hinebe 'binagagi o, iluk yoknisasikhe tak-tagat, it akhuni itikmanke meke yogeisa lugun o,” iluk yogeisasukha.

La'isasikhe 13:51

Ula'isasinem, it Paulus Barnabas ipisak nen, inakla eberek dogoagaluk, “Hinoba dopok,” iluk inisok hola horogo la'isalok nen, o Ikonium uki lagoukha.

Roma 10:21

Nen, Allah nen akhuni Israel meke men yogeisasikhe, “An hubenke nen, dikene nen, hiamaganekeke nen, akhuni yoma woginabigiluk niki lanhek motogat welagei mekeat he, inasuk holu'buk inasikanok weak werek o,” iluk yogeisasikhemo, Yesaya nen yogeisasikheat.

Roma 10:8

Halok he, wene iti men apalok isikhe, “Allah ane iti ebe horogat werek o. Iti hape baga men, hetaikenma men, werek o,” iluk isikhe iti, akhuni nen inetaiken Allah oba hakotdusak wene nit nen yokhisekhe lago iti hasigat isikhe o.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.