Lukas 10:10 - ALLAH ANE WENW KET MEKE WAROGO WOKNINAKHIKHE WENE

¹⁰ Meke re, o ukul ageikhe hit ukugun oba etoma nen heagei warogo wokhinakho dek halok, hinebe dukhitluk holagarlem asi lalok nen, men ino,

Lukas 10:10 Iomraidhean Croise

Matius 10:14

Nen, it etoma nen hinebe wokhinakhidek dogolik hinane waganhidek thogotdisega halok he, o etoma here'isalok hinapuke dukhi aga dogolik, hinisok hola negen horogo 'biluk dukhitno.

Lukas 10:11

Nit hit hinaila dogolik agat abubuleke ninisok oba dekelogo meke yi, hit weak iluk hiniloba horogo podisogo yi. Hinakla nen, Allah apma 'binanigin etnogo yogotak arat 'binanigin, iluk, hanorogon hutdekhe dogono, iluk yogeisano.

Lukas 10:9

O ukul etoma dogolik, it aperek inoba u warek halok, hit nen hano hagarinakhe dogolik, Allah nen apma 'binanigin etnogo yogotak arat 'binanigin o, iluk yogeisekhe dogono.

Lukas 9:5

Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

La'isasikhe 13:51

Ula'isasinem, it Paulus Barnabas ipisak nen, inakla eberek dogoagaluk, “Hinoba dopok,” iluk inisok hola horogo la'isalok nen, o Ikonium uki lagoukha.

La'isasikhe 18:6

Itithogon yogeisugunem, it nen, “Dek o. Weak ekhe lagan o,” iluk abok weak palhe lagoukhama, at Paulus etnogo nen, “An noba thelek o,” iluk u hak, asu itikmanke meke amumul hisalogo usa'isikhesik nen, men yogeisasikhe, “Hit hinekaerek nen nuk akegep halok he, hinoba dopok o. An noba dek o. Hurli yogotak hurli nen, an akhuni itikmanke meke wene yogeisa ligin o,” iluk yogeisasikhesik,