Lukas 1:80 - ALLAH ANE WENW KET MEKE WAROGO WOKNINAKHIKHE WENE

⁸⁰ Nen, at a'but etnogo ebe arlue atluk etaiken motok horle ageikhesik, akhuni Israel meke aban inoba lageidek dogolik, o limo akhuni motok dekma etoma welageikhe.

Lukas 1:80 Iomraidhean Croise

Matius 11:7

Itithogon isikhemo, it Yohanes agarumi emenogo lagoukhama, at Yesus nen akhuni doalegat emenogo Yohanes abok men yogeisasikhe, “Hit he, o limo akhuni dekma etoma nena meke hinileken huogoluk laga lagasip nogo? Hiteka yagareka hisakne nen huphogon lageik-wageik hagakho werekma 'bikha luogoluk laga lagasip a?

Matius 3:1

Itithogon hagakhukhasik oba nen, at Yohanes ima usa'isekhe lageikhe meke etnogo, o Yudea limo akhuni dekma etoma wageikhesik wene yakulisekhe dogolik, yigithogon ekhe lageikhe,

Lukas 2:40

Dagei agoukhasik werekma, elege etnogo arlue aga dogolik, ebe obatne ageik, etaiken motok kagalek hagatlageik, aga lageikhemo, Allah obabut hano nen, hanorakhe lageikhe.

Lukas 2:52

Nen, at Yesus itithogon dogolik, be arlue ageik, etaiken kagalek motok hagatlageik, hagakhe korlek, opase Allah men, akhuni men, at hasik inoba hotok ekhe lagoukha.

Yohanes 1:31

Alebat, at ebe an nokodekma, at ebe tha heat, hutdigidek welagei meke re, akhuni Israel meke at ebe inilu asuagaluk ima usa'isekhe dogeigiluk wagei iti,” iluk yogeisasikhe.

La'isasikhe 18:28

Yomageisekhe dogolik, it Yahudi meke inom akhuni inil oba wene palhe dogolik, at ane hano iti nen, it inane obatne degetdiluk at ane obatne ageikhesik nen, Allah ane holal waganek etnogo baga yogeisekhe dogolik, “Allah nen, Kristus la'isigin iluk abok yoknisasikhe etnogo, ebe Yesus la'i ageikhe itiat o,” iluk pakhogon yogeisekhe lageikhe.