Lukas 1:79 - ALLAH ANE WENW KET MEKE WAROGO WOKNINAKHIKHE WENE

⁷⁹ O mummo dogolik watlasusak iti ninayuk, iluk apiliogei etnogo o lia hagarogo 'bisigik, ninobakhe palek ninayuk werekma, Holak yi baga hinetaiken hapukhogon lani iluk, yoknisigik, igin o,” iluk Zakharia nen isikhe.

Lukas 1:79 Iomraidhean Croise

Matius 4:16

O mummo welagathep meke iti, o liathinabigin meke kok meke ageikhe hegep o. Hit o etoma watlasuogoluk hinoba mumat agasikmo, liathinabigin meke ageikhe waga iti o,” isikhe etnogo tak-tagat hagatlasuagaluk Yesus etoma dagei ageikhe iti.

Yohanes 1:9

At lia ebe meke iti, agat oba yoma waga dogolik, nit akhuni tha'bokhogonat ninebe dopok liatninabi ageikhe.

Yohanes 12:46

Nen, it akhuni inetaiken an noba hakotdugun meke tha'bokhogonat, o mum oba dogunogo iluk, liarinabigiluk an nebe liarinakherek meke agat oba yoma usa'agagi o.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

Yohanes 9:5

An agat oba yoma dogolik, nebe o lia hak etnogo nen he, akhuni lia hagarinakherek o,”

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

Roma 3:17

Akhuni aperek inom hano dapukhogon dogou re, it inokodek o.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.