Lukas 1:70 - ALLAH ANE WENW KET MEKE WAROGO WOKNINAKHIKHE WENE

⁷⁰ Itithogon hagakhe iti, it ap muk haganeat meke Allah nenat ekaerek hasik wenago 'bisasikhemo wene yogeisekhe lagoukha meke nen yogeisekhe dogolik,

Lukas 1:70 Iomraidhean Croise

Markus 12:36

At Daud Allah Agoreke akla dogolik, ekaerek nen men isikhe, Allah Etagapogot nen an noe Etagapogot yogokhe dogolik, Akhuni hat hathili meke emenogo hisok nen al debelogo 'bisanok nen, an nen aban hoba 'bisa'ageidek werek korlek, hat an nalilu niki ebeke hurek dogolik hebe kok dogonok, iluk Allah nen Kristus yogokhikhe, iluk Daud nen isikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

La'isasikhe 28:25

Itithogon hagakhukhasik, it-it inane inasokhotek tomok thagalik-thagalik kikil wasuogoluk hagakhunem nen, at Paulus nen wene opakiat ageikhe yi yogeisasikhe, “Wene Allah Agoreke nen ninopa lak Yesaya nen yogeisoagaluk yogokhikhemo, yogeisekhe lageikhe iti, mothogon yogeisasikhemo higi.

Roma 1:2

Muk haganeat Allah nen, “Wene hano wene iti, yabokane winam asigin o,” iluk abok it ap at ane yogeisekhe lagoukha meke emenogo yogeisugunem, it nen Allah ane waganek etnogo baga holal waganogo 'bekhe lagoukha.

Ibrani 3:7

Iti nen he, Allah Agoreke nen men yoknisekherek, “O yogotak ya baga Allah ane hinasuk holhep halok he,

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

2 Petrus 3:2

Wene iti, it ap haganeat Allah nen inayoko 'bisikhemo at ane yogeisekhe lagoukha meke nen isukhaat. Nen, ninoe Etagapogot ninebe tilninakherek meke etnogo nen wene ninasuk wakhikhe meke, nit ninayoko 'biluk hinoba la'inani ageikhemo yokhisasuguat.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.