Lukas 1:65 - ALLAH ANE WENW KET MEKE WAROGO WOKNINAKHIKHE WENE

⁶⁵ Itithogon hagakhikhemo, it akhuni inom welagoukha meke emenogo inayuk motok agoukha. Inayuk atluk, wene hagatlageikhe meke etnogo abok o Yudea tom oba meke etoma motok pilin-palinhogon yogeisilik lagoukhama wene iti kok arik lageikhe.

Lukas 1:65 Iomraidhean Croise

Matius 2:1

At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha.

Lukas 1:39

Malaikat etnogo lageikhemo, at horlak Maria iki pererlagat welageikhesik nen, o Yudea usasikhesik etoma tom oba dageisikhesik,

Lukas 2:18

Itithogon yogeisasukhama, it akhuni etoma inasuk holhukha meke tha'bokhogonat nen, men isukha, “Eiya! Nayuk o,” iluk hogorakhukha.

Lukas 5:26

Itithogon hagakhikhemo akhuni emenogo inebe tha'bokhogonat inobakha palatluk, inayuk motok agoukhasik nen, men isukha, “Ninileken yogotak hogo iti, motok ninat meke hogo. Nayuk e,” iluk Allah hogorakhukha.

Lukas 7:16

Itithogon hagakhikhemo, akhuni doalegat emenogo inayuk agoukhasik nen, Allah hogorakhe dogolik, men isukha, “Ap kok Allah ane yoknisekhe dogogin meke ageikhe ninakla winam aga o!” iluk igik, nen, it aperek nen, “Allah nen a'buri tilninabigiluk waga yi,” iluk igik, isukha.

La'isasikhe 19:17

Lo dukhisukhama, akhuni nen, “It itithogon hagakha o,” iluk isukhama, it akhuni Yahudi meke men, Yunani meke men, o kota Efesus welagoukha meke tha'bokhogonat inasuk holhukha. Holhukhasik, inayuk atluk, Yesus etaga ebenageik hogorakhe lagoukha.

La'isasikhe 2:43

Akhuni nen wene hutduagaluk, it ap Yesus nen inebe inayoko 'biluk la'isasikhe meke emenogo nen hagasusak dek meke elalinat doalegat hagakhunem, akhuni inebe tomok inayuk aga lagoukha.

La'isasikhe 5:11

Itithogon hagatlageikhemo nen, it Allah a'buri meke tha'bokhogonat men, nen it akhuni aperek inasuk holhukha meke tha'bokhogonat men, inayuk agoukha.

La'isasikhe 5:5

Itithogon yogokhunem, wene iti, at Ananias asuk holhikhesik nen, abusak tunhogo wilageikhesik nen ebe watlageikhe. Watlageikhemo, it akhuni inebe tha'bokhogonat wene hagatlageikhe meke iti, inasuk holhukhasik nen inayuk kogat agoukha.

A'bikaka 11:11

Iniki 3 hari itithogon hagakhe dogoluk, iniki ageikhe dikene nen itithogon hagakho werekma, Allah Agoreke inilugurinakherek meke etnogo it ap pere iti inakla ukiluk, inilugurinabiluk nen meldisasinem, akhuni tha'bokhogonat inileken hisalok, inayuk motok asugun o.