Lukas 1:51 - ALLAH ANE WENW KET MEKE WAROGO WOKNINAKHIKHE WENE

⁵¹ At iki obatneak iti baga, akhuni inakla nen inekaerek inakeke 'bakhiliogei meke iti motok mukhogo thirlik-pirlikhogon ula'isekhe o

Lukas 1:51 Iomraidhean Croise

Roma 1:21

Allah ebe itithogon inilu dogoligat, it nen, “Allah ebe walhasikhe mekeat o,” iluk, ebe hogorakhidek, heagei wakhidek, welagoukha. Itithogon dogolik, ninat meke ebeat meke dek mekeat he, wene munini we yugunat inakla ebekhe lagoukha iti nen, inetaiken abit ageikhe.

2 Korintus 10:5

It akhuni aperek inakla nen, “Allah iti ebe nina'it o. It akhuni aperek at ebe inilu asusak degat o,” iluk inekaerek nen hogorakhegarek meke iti, nit nen sikhe thege iti baga erlok thebeldisausagat o. Nen, akhuni inetaiken weat meke baga eberiogei meke iti, nit nen sikhe thege iti baga Kristus ane hologo hagasuagaluk apma erlok 'bisasusagat o.

1 Petrus 5:5

Nen iti hagat, hit ap elege nagarumi. It aperek nen Allah ane baga men isukha, “Akhuni inekaerek nen hogorakhugunem, Allah nen a'it hisekherek o. Mekeat he, inekaerek inetaiken thebekhogon dogogun halok, at obabut hano nen akmurinakherek o,” iluk holal waganogo 'bisukhama werek iti nen, hit nen inarluetek inapma ukiluk inane hologo hagakhe dogono o. Itithogon hagakhe dogolik, hit tha'bokhogonat nen, hinekaerek nen hogorakhigidek inapma dogolik, hit aperek nen it aperek inatuaneke welageik, it nen hit hinatuaneke welageik, hagakhe dogolik yomak-yomak hagakhe dogono o.

A'bikaka 18:8

Itithogon apekherek iti nen, an Allah nobatne horleakma re, opaki hasigat hipiri no inom, u kok inom, wogotluk nen, ebe o hali 'bumo nukunem akla weak atluk de ago motok dogogin iti o,” iluk pogot oba nen isinem nasuk holhi.