Lukas 1:49 - ALLAH ANE WENW KET MEKE WAROGO WOKNINAKHIKHE WENE

⁴⁹ At obatneak meke nenat, kok meke hagatnakhe o. At ekaerek arligat etaga werek dogoak o.

Lukas 1:49 Iomraidhean Croise

Markus 5:13

Itithogon yogokhukhama, at nen, “I o. Lani,” yogeisasikhemo, it mokat inobabut weak meke emenogo dukhi lagoukhasik, wam akla ukhatlasi lagoukhama, wam doalegat emenogo lumhogon katma i yekelekma usasukhasik nen i lagoukha. Wam i lagoukha iti, ebe 2.000 hakene motok doalegat i lagoukha.

Lukas 1:48

An at atuaneke meke iti, inapma negen werekma ileken neekhe o. Hurli yogotak nen, akhuni tha'bokhogonat nen, Allah nen he, hano meke wogokhemo, iluk ekhe dogogun o.

Lukas 1:50

Akhuni tha'bokhogonat, haganeat nen itaklagoukha meke inom, ket itaklageikha meke inom, yabokane itaklasugun meke inom, at ebe inayuk werekma akmu nen hano hagarinakhe dogogin o.

Efesus 3:20

At Allah at hogorakhe dogouok o. At ebe ninakla dogolik obatnerogon hagatninakherek iti motok kogat iti nen, nit nen ninakla ebekhik, kino yogokhik, ogorek meke tak-takhogon hagakhidek, ageikhe inom kokhogon hagatninakherek iti.

A'bikaka 4:8

It iti inebe 4 meke re, inebe tomok ina'bikha 6 oba werekma, inomak abel itikmanke inom, akmanke inom, inileken motok doalegat meke inane huk welageidek, dikene motok, hibakone motok, Allah hogorakho motok dogolik, “Ninopase Allah Etagapogot obatneakma, u a e, Haganeat karelek motok welageikhe, u a e, Yogotak karelek motok werek, u a e, Yabokane karelek motogat dogogin, u a e,” iluk hogorakho motok welageikha.