Lukas 1:33 - ALLAH ANE WENW KET MEKE WAROGO WOKNINAKHIKHE WENE

³³ Yakub nen itago meke emenogo inoe Etagapogot at itiat apma ane holek motok dogogun o. Itithogon hagasik dogolik ebe huk ageidek Etagapogot motok dogogin o,” iluk itithogon isikhemo,

Lukas 1:33 Iomraidhean Croise

Matius 1:1

At Yesus Kristus Abraham nen, Daud nen, ina'but etnogo opa lak erlo baga nen itaklarik wagoukha meke inetaga yi o.

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Lukas 1:34

at horlak Maria nen, “An ap ninom noge igidekma, hat yoknekhen iti nikithogon hagatlasigin,” iuluk itithogon isikhemo,

Roma 9:6

Allah nen it abok yogeisasikhe iti, “Ebe dek aga,” iluk igi 'buk. It Israel nen itago meke iti tha'bokhogonat he, inebe Israel Allah nen wenageinakhikhe meke 'buk.

Galatia 3:29

Hit hinebe Kristus meke halok he, hinebe Abraham nen itago meke welagap. Halok he, Allah nen Abraham abok yogokhikhe meke etnogo, hit wokhisausak morat o.

Galatia 6:16

An wene hinasuk warogo yokhisigi meke yi, mothogon hagakhe dogogun meke, Allah nen, “An na'buri Israel mekeat o,” iluk, at nenat hinetaiken hapukhogon 'binagagik, hinebe akmuthinakhik, hagakhe dogoak o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Ibrani 1:8

Meke re, a'but yogokhe dogolik, “Hat hebe Allah at dogolik, yi akhuni ti akhuni hagasik motok dogogin o. Hat kok itithogonat dogolik, wene mothogon anek moretdisekhe dogogin o.

A'bikaka 11:15

Itithogon hisigirik oba nen, it malaikat inebe 7 baga emenogo, inebe 6 oba inapikon arat ane huthegasik oba nen, ageikhe apikon ane huthasinem, pogot oba nen inane kogat yigithogon isinem holhi, “Alep akhuni agat oba meke nen inapma 'bisalok hagasik welagoukha meke, yogotak ninopase Etagapogot Allah nen ninoe Kristus nen tilninabuagaluk meldisikhe meke etnogo ipisak nen inapma arat 'binagasik, at Kristus nen haknisik motok-motok dogogin o,” iluk ekhe lageikha.