Lukas 1:3 - ALLAH ANE WENW KET MEKE WAROGO WOKNINAKHIKHE WENE

^3-4 Itithogon walhilik wagoukha mekeat, an meneke, wene iti erlo baga nen hutukhogon yakulhe lagagisik nogo nen, hat wene yakulhikhukha meke iti eberogonat iluk apanok nen, wene ebe pilinerogo holal waganogo hoba la'isigiluk apekhe lagarik waganhe lagei yi o. Noe.

Lukas 1:3 Iomraidhean Croise

Lukas 1:1

Teofilus noe. Wene nit ninakerlekla nen hagatlageikhe etnogo, it wene ebe erlo baga nen hagatlarik wagunem inileken hasukhasik yakulisilik nekhe lagoukha meke nen yoknisasukha mothogon, it akhuni aperek inebe motok doalegat wene ebe holal waganuogoluk walhilik wagoukha.

La'isasikhe 1:1

Teofilus noe. An nen ebekeramat wene holal waganogo hoba la'i agagi iti, at Yesus nen yi meke ti meke hagakhik, yi wene ti wene yakulisigik, hagakhe lageikhe wene erlo baga hurli nen

La'isasikhe 11:4

Itithogon wenagakhukhama, at Petrus nen wene erloma nenat pilinerogo men yogeisasikhe,

La'isasikhe 15:19

Iti nen, an nakla nen, it akhuni itikmanke meke inobabut hebelogo inelokhe Allah wogoriogei meke iti, inakla weagatdusak dek apekhe lagei.

La'isasikhe 15:25

Ninasuk holhosik nen, ninebe natogorlogo nen wene palho. Wene itithogon palhosik, Barnabas Paulus ipisak inebe ninakmu lak meke iti, inebe ninoe Etagapogot Yesus Kristus hasik 'bisalok, inasuogoluk hagakhe korlegat he, at hasik hagarik liliogei meke inom hinoba wisuagaluk ap aperek Yudas Silas ipisak inayoko 'bogoma wisugun iti. It witluk nen, wene holal waganogo 'bogo iti inape baga nen pilinogo yokhisoak.

La'isasikhe 15:28

Nit Allah Agoreke ninom dogolik, wene men iluk palho iti. Wene akin meke iti yokhisausak dek. Wene yiat hinasuk holusak ogo.

La'isasikhe 18:23

O Antiokhia wageikhesik welageikhesik nen, yabokane o propinsi Galatia men, Frigia men, waga dogolik etoma it akhuni Yesus ane waganhukha meke inetaiken ago watdisilik nekhe lageikhe.

La'isasikhe 23:26

“Kok gubernur Feliks noe. An Klaudius Lisias nen surat yi palogo hoba la'i agei iti.

La'isasikhe 24:3

Hat nen o yi ai ti ai hibiku-yogoku hanorogon hagakhe lagan iti, nit nen, Hano, iluk, heagei motok wathakhe lago. Noe.

La'isasikhe 26:25

Itithogon yogokhikhemo, at Paulus nen, “Festus noe. An hunu-hunu agarik ekhe lagei dek o. Hano dogolik wene eberogonat yokhisekhe lagei o,” iluk isikhesik,

1 Korintus 16:12

Ninagarlak Apolos etnogo nen, it ninagarlak lak aperek emenogo wogosik hinoba wisuagaluk, eran-alep akla kagalhe lagei mekeat he, at yogotak ya wisusak iluk akla apiliogo dek o. Meke re, yabokane wisusak apekhe halok wisiginat o.

1 Korintus 7:40

Itithogon woginabusak mekeat he, waganhidek werlegat dogoumo, inakla hano motok dogosak apekhe lagei o. Itithogon apekhe lagei iti, Allah Agoreke nakla dogolik apekhe lagei.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.