Lukas 1:13 - ALLAH ANE WENW KET MEKE WAROGO WOKNINAKHIKHE WENE

¹³ at malaikat etnogo nen, “Zakharia! Hayuk agun o. Hat sembayan ekhe lagan etnogo, Allah arat asuk holhe o. Hage Elisabet iti eak abat itasigin o. Itasumo nen etaga Yohanes thalino.

Lukas 1:13 Iomraidhean Croise

Matius 1:21

Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Matius 14:27

Itithogon isukhama, at Yesus nen he, “Hinagot akma. Nagarumi. An nebeat waga lagei. Halok he, hinayuk agup o,” iluk yogeisasikhemo,

Matius 28:5

Nen, at malaikat etnogo nen it humi emenogo yogeisekhe dogolik, “Hinayuk agup o. Hit nen, Yesus o baga meldiluk wakha etnogo hinileken 'bikhauwogoluk wagap iti an nilu o.

Markus 16:6

Inakmaken lageikhemo, at ap elege meke etnogo nen, men yogeisasikhe, “Hinakmaken lagup o. Yesus ai o Nazaret meke o baga meldiluk wakha etnogo herarik wagap meke re, ebe yoma dek. Allah nen ilugutdekhemo werek o. Warek 'begama etnogo oboluk anek yi hinileken 'bikhani o.

Lukas 1:14

At iti agosa akla nenat, Allah agoreke akla motok kerlekhogon itaklatluk, ninopase Etagapogot il oba ebe kok dogolik, anggur eken apusu inom, i hunu hunu palharek meke ageikhe inom, nikidek motok dogolik, akhuni Israel meke inebe doalegat inetaiken ninopase Etagapogot Allah oba hakotdiluk dogoagaluk, at nen inobabut hebelinabigin o. At itaklagunem akhuni inebe doalegat inakla arleken akhekhe korlek, hat meneke, hakla arleken akhigik, ebe hoba hotok igik, hagasigin o.

Lukas 1:30

Itithogon ebekhe lageikhemo, at malaikat etnogo nen, “Maria neru o. Hayuk agun o. At Allah nen hebe akmu hagathakhesik oba hotok ekhe o.

Lukas 2:21

Itithogon wagoukhama welagoukhasik nen, iniki 7 baga noge iluk hubuluke, elege etnogo oado aperlagap palusak obaat palhukhasik nen, ebe aban agosa akla ageidek werek korlek malaikat nen isukha tak-tagat, etaga Yesus thalhukha.

La'isasikhe 10:31

Sembayan itithogon isinem, ap ageikhe asu a'bi'bal weak ugu meke an nilhanemat melasi usa'aga. Melasi usa'agasik nen, Kornelius. Hat sembayan egetek iti, Allah asuk holhemo. Nen, akhuni inameke dek meke yomageisekhethek iti, Allah nen hoba eberek weregat o.