Ibrani 7:2 - ALLAH ANE WENW KET MEKE WAROGO WOKNINAKHIKHE WENE

² Itithogon yogokhikhemo, Abraham nen, wim yakhe dogolik, yi meke ti meke hugul waganhikhe meke tha'bokhogonat iki wenago 10 baga ageikhe meke aperek mikirlogo Allah hasik 'bisalok, ap Melkisedek etnogo wogokhikhe. Ap Melkisedek iti etaga nit ninane baga, “Kok etagapogot obabut mothogon anek hagakherek meke,” iluk u hak, etaga Melkisedek thalekma ekhe lagoukhaat. Nen ageikhe, “Kok etagapogot hogot walherek meke,” iluk u hak, akhuni o Salem meke inoe kok etagapogot iluk ekhe lagoukhaat.

Ibrani 7:2 Iomraidhean Croise

Matius 1:23

At iti nen, “Horlak ageikhe eak akma atluk, eak abat itasigin o. Itaklaga halok, nit ninane baga, Allah ninom welago, u hak, etaga Imanuel ekhe dogogun,” iluk holal waganogo 'bisikhe meke tak-tagat hagatlageikhe iti.

Lukas 2:14

“It pogot oba upuke welageikharek meke nen, ninopase Allah itiat hogorakhe dogoak o. Nen, it akhuni agat oba yoma inebe Alla oba hotok ekherek meke inetaiken hapukhogon dogoak o,” iluk isukha.

Ibrani 7:1

Ap Melkisedek iti ebe, akhuni o Salem meke inoe kok dogolik, Allah Etagapogot iteerek welageikhe. Werekma at ap Abraham ap inebe koktek meke inatluk apuke wagunem, at Melkisedek iti nen 'bikha dukhisikhesik, “Allah nen hebe hanothabuak,” iluk ane hanorogon heagei wakhikhe.

Ibrani 7:3

Ap Melkisedek iti hasik, at agosa opase iti nen itago meke igik, ap iti opa lak iti nen itago meke igik, at iti hurli baga itaklageikhe igik, iti hurli baga watlageikhe igik, abok hutukhogon ageikhe igidegat. Iti nen he, at ebe Allah ekaerek a'but ipisak tak-tagat dogolik, at ebe Allah iteerek motok welagarek hakeneat o.