Ibrani 2:2 - ALLAH ANE WENW KET MEKE WAROGO WOKNINAKHIKHE WENE

² Wene iti, nit ninopa lak yogeisoagaluk, Allah nen it malaikat inayoko 'biluk la'isa ageikhemo yogeisasukha meke eberogonat hagatlageikhe. Nen, it aperek wene iti hologo mothogon hagakhidek meke, inebe tomok wene mothogonat inoba 'biluk weagarinakhe lageikhe iti.

Ibrani 2:2 Iomraidhean Croise

La'isasikhe 7:53

Nen, it malaikat Allah nen yoko usa'isa agarek meke emenogo nen wene Allah nen ninasuk wakhikhe wene iti, hirat wokhisasukha mekeat, hinasuk hologo hagasusak hina'irat welagap iti,” iluk yogeisasikhe.

Galatia 3:19

Halok he, wene Allah nen ninasuk wakhikhe iti nenaluk. Iti, nit akhuni weagat hagakho welagagu meke iti 'bualasuagaluk, ninasuk yabokane wakhikhe iti. Meke re, wene iti Abraham nen itago meke ageikhe wogosigin iluk, abok yogokhikhe etnogo, ebe aban itaklageidek werek korlek elanma hasik wene ninasuk wakhikhe wene etnogo, malaikat nen Musa yogokhunem at ebe turlem heisogo dogolik, akhuni yakulisoagaluk malaikat inayoko 'biluk la'isa ageikhe iti.

Ibrani 1:1

O muk haganeat, at Allah nen it ap at ane yogeisekhe lagoukha meke emenogo iki hibiku-yogoku, wene at ageikhe yogokhik, at ageikhe yogokhik, nekalok-nekalogat yogosugunem, it nen nit ninopa lak yakulisekhe lagoukha.

Ibrani 10:28

Wene Allah nen ninasuk wakhikhemo, at Musa nen yoknisasikhe wene iti, it akhuni nen hologo mothogon hagakhidek thagalogo here'isekho halok, akhuni inebe pere a, henagan a, “Nit ninil oba it nen eberogonat wene iti thagalogo here'isalok hagakha o,” iluk pakhogon isi halok, inakmurinakhidek inebe motogat inakhe lagoukha apigi.

Ibrani 10:35

Halok he, alep weak hagathinakho korlek hinakla pugat welagagip meke iti kobokhogon thogotdigidek, yogotak ya itithogonat dogogun halok, oko kok meke wokhisagein iti nen, hinobatnerogon hago dogono o.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.

Ibrani 11:6

Akhuni inetaiken Allah oba hakotdigidek halok he, at akla hanorogo hagasusak motok erlok dek o. Nen, at oba wisuogoluk halok, it nen, “Allah eberogonat werek,” iluk apigik, “At ebe inilu asuogoluk hagasugun halok, at nen oko ebe meke wogeisekheregat,” iluk apigik, hagasusak iti.

Ibrani 12:25

It akhuni Allah ane agat oba yogeisugunem inasuk holusak ina'it welagoukha meke, inebe iniluk here'isigidek inakhe lageikhe iti. Halok he, nit yigithogon, wene pogot oba nen yoknisugunem ninasuk holusak nina'it dogogun halok he, ninakhidek here'inanigin apegep a? Dek o. Motok ninasigin iti nen, at ane isi korlek hinasuk holhidek, “Nina'it,” iluk here'isaunogo iluk, hinobabut hebelogo dogono o.

2 Petrus 1:19

Itithogon holhugu iti nenat, ninakla nen, “It ap Allah ane yogeisekhe lagoukha meke nen isukha meke iti eberogonat,” iluk alebat hemurlugat negen apekhe lagagu meke, yabokane ninasuk holhugu iti baga nen, motok hutukhogon hutdisugu iti. Halok he, o mum abirat werekma, akhuni nen isagal yibarlogo 'bugunem, liarogo motok welageikharek iti hak, wene iti hinetaikenma eberogo motok waganhe dogono. Itithogon waganho werekma, yabokane o mum meke wi ekhe korlek, husagal wap dukhi agarek iti hak, at Kristus hinetaikenma liathinabisigin o.

Yudas 1:5

Wene yokhisagein yi, haganeat nen hinilu mekeat he, yabokane hinakla ebetdinagagin iti. Ninoe Etagapogot nen a'buri Israel meke o Mesir werekma tilinakhikhe mekeat he, yabokane it meke aperek inetaiken at oba hakotdiluk welagoukha dek meke inakhikhe.