Ibrani 1:3 - ALLAH ANE WENW KET MEKE WAROGO WOKNINAKHIKHE WENE

³ Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 1:3 Iomraidhean Croise

Matius 22:24

“Noe. At Musa nen men iluk yakulnisasikhe, Ap ageikhe a'but aban itakhidek werekma ebe watlaga halok he, obolukmo a'but ageikhe itasuagaluk, he thoge iti ap iti agorat waganusak o, iluk yakulnisasikhe.

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Yohanes 1:14

Ebe Wene etnogo abat ageikhesik ninomat welagagu. Ninomat dogolik, at ebe iti Allah a'but irlagapi itago etnogo, hogorakharek meke ninileken hasugu o. At obabut hano nen, hanorogo hagatninakhik, wene ebe wene yoknisigik, hagakho motok werekma ninileken hasugu.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 1:4

Ninilugutninakherek meke erlo arat welagarek iti nen, nit akhuni liatninabi ageikhe.

La'isasikhe 2:33

At ebe Allah nen ilugutdekhesik, alilu kok dogoagaluk meldekhemo werek o. Dogolik, Allah nen, Nagoreke wokhisagein, iluk abok yoknisasikhe hagat Yesus wogokhemo, at nen kokhogonat nit ninoba usa'i agama nen, nti hagakhunem hinileken nisigik, hinasuk holhik, hagakhe lagap iti.

La'isasikhe 7:56

Ileken liagisalok, at nen he, “Lakhani! Pogot hialagama, at abat itaklasi ageikhe meke etnogo, Allah alilu ipisak metek werekma nileken liagisigi o,” iluk yogeisasikhe.

Roma 1:16

Hano wene iti Allah obatneatma, ebekeram akhuni Yahudi meke, nen yabokane, akhuni itikmanke meke, inetaiken Yesus Kristus oba hakotdegarek meke tha'bokhogonat tilinakherek iti nen, an nekarli degat hano wene iti yogeisilik nekherek iti.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

Kolose 3:1

At Allah nen he, Kristus ilugutdekhe dogolik, hit hinomat hiniluguthinakhikhemo welagap iti nen, yi meke ti meke Kristus ebe pogot oba Allah alilu iki ebeke kogat welagarek oba etoma meke horla luok nen, hinobatnerogo hagakhe dogono o.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Ibrani 1:13

Itithogon yogokhikhesik nen, ageikhe men yogokhikheat, “Akhuni hat hathili meke emenogo hisok nen al debelogo 'bisanok nen iluk, an nen aban 'bisa ageidek werek korlek, hat hebe an nalilu niki ebeke kok dogono,” iluk, it malaikat meke emenogo ageikhe yogokhikhe nogo a? Dek o.

Ibrani 10:12

Itithogon mekeat he, at Kristus anek he, nit akhuni nen weak hagakhorek meke hasik iki opaki hasigat watlaga dogolik, ebe motok-motok Allah wogokhikhesik, alilu iki ebeke asi lageikhesik kok werek iti.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 7:27

It ap Allah iteerek koktek iti hibiku-yogoku inekaerek weak hagakharek meke hasik tak, inako Allah warekharethek nen yabokane akhuni aperek weak hagakharek hasik inako Allah warogo wogokharek mekeat he, at Yesus anek he, nit weak hagakhorek meke hasik ninako Allah waresu hak, at ebe opaki hasik watlaga dogolik, ebe Allah wogokhikhe iti.

Ibrani 8:1

Nit wene ekhe lago iti, kok he, yi o. Nit ninoe kok Allah iteerek ogo iti hagat werek o. At ebe, ninopase Etagapogot Allah welagarekma iki ebeke kogat werek o.

Ibrani 9:16

Ap ageikhe nen, “An niki 'biluk itithogon supusogo wogeisano,” iluk ekherek meke ebe iluk werek korlek, iki 'biluk horlegarek dek. Meke re, at ebe watlaga halogat, “At arat watlaga,” iluk thelekma isi halok, iki 'biluk horlegarek o.

Ibrani 9:26

At nen he, it alep hagakhe lagoukha iti hak hagatlepma re, agat walhasikhe hurli nen lok-logat nit yogotak ya hurli, yi aik ti aik hekhe dogolik iki eran-alebat watlaga dogolep. Itithogon mekeat he, o ilugun oba nit weak hagakhorek meke degetdisagaluk iki opaki hasigat kambing sapi Allah waresu hak, ekaerek ebe watlasi ageikhe iti.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

2 Petrus 1:16

Ninoe Etagapogot Yesus Kristus obatneak etnogo ebe wageikhe meke hasik hinilurogo yokhisekhe lago iti, wene suakane akhuni inakla kagalogo pilinekharek meke iti baga lisogon yokhisekhe lago dek o. At ebe Etagapogot meke wageikhemo, ninekaerek ninileken tomok hasugu meke nen yokhisekhe lago o.

2 Petrus 1:17

Nit o etoma werekma, ninopase Allah nen, at Yesus ebe hogorakhik, heagei wakhik, hagakhunem nit ninasuk holhugu. At Allah ebe kogat hogorakho motok welageikharek meke etnogo nen, “An na'but netaiken hunik meke noba hotok egerek ebe itiat,”

1 Yohanes 1:7

Itithogon mekeat he, Allah ebe lia baga welagarek iti hak, nit meneke, lia baga dogolik, hano hagakhe lago halok he, nit-nit nagarlak-hagarlak ninom hunik werekma, nit weak hagakhunem at a'but Yesus amep oba hotninakho motok welagarek o.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

Yudas 1:25

Ninopase Allah arligat nen ninoe Etagapogot Yesus Kristus hagakhikhe iti baga tilninakhikhe meke etnogo iteerek obatneak o, iluk, at hogorakhik, kogotdigik, hagakhe dogouok nen, erlo baga yi meke ti meke walhigidekma Allah arligat welageikhe iti baga nen, yogotak ya nen, yabokane motok dogolik nen, itithogon hogorakho motok dogoak, iluk, “Amin,” igi iti.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,