Filipi 4:5 - ALLAH ANE WENW KET MEKE WAROGO WOKNINAKHIKHE WENE

⁵ Ninoe Etagapogot etnogo ibat wisigin iti, akhuni tha'bokhogonat nen hit hutdinagouagaluk, hinobabut yamukhogon hagakhe dogono.

Filipi 4:5 Iomraidhean Croise

Matius 6:25

An nen itithogon yokhisigi iti nen, hit hinakla nen, Niniluk dogouogoluk hipiri men, i men, ki meke nugun. Nen, ninebe su ki meke isugun, iluk hinelabut hisikhogon wene munini uan 'bero ebekhe dogunogo iluk yokhisigi. Nekarek meke iti kogat nogo? Hiniluk welagap iti kogat apigi. Su ikharek meke iti kogat nogo? Hinebe iti kogat apigi.

Matius 6:34

Halok he, hit nen, hubuluke hasik hinelabet hisogo wene munini uan 'bero ebekhup o. Yogotak weak ariogo meke werek korlegat he, hubuluke weak asigin meke ebesusak dek o,” iluk yogeisasikhe.

Lukas 21:34

At Yesus nen wene itithogon yogeisasikhesik nen, ageikhe men yogeisasikhe, “Yi meke ti meke isago werago hinelabut urogo nikik, apusu hunu-hunu asuogoluk nekarek meke nikik, yi meke ti meke agat oba meke hasik wene munini uan 'bero ebekhik, itithogon hagarik nekhe dogolik hinobabut hebelek dek akhirak werekma,

1 Korintus 16:22

At ageikhe nen, ninoe Etagapogot akmu dek halok he, Allah nen at iti ebe homan 'buak o. Meke re, ninoe Etagapogot ibat eme o, u hak, Maranata, iluk igi iti o.

1 Korintus 6:7

Hit-hit hinagarlak lak hinerugi hinom mekeat he, hinom wenemuk-wenemuk motok welagap iti nen erlok degetdakhekhe lagap o. Hit he, weak hagathinakhunem hinobakhanini hapugutdiluk dogoumo weak a? Alomathinakha halok here'isaumo weak a? Hano o.

1 Korintus 8:13

Halok he, nekarek meke iti baga nen an nagarlak ebe weagatdinogo iluk, at hasik an wam kaneke ako warek meke karlelek nikidek motok here'isekhe dogogin o.

1 Korintus 9:25

Inae dek asunogo iluk, yi meke ti meke here'isalok inekaerek nen inebe karelegarek iti. It nen, kare-kare ibat weak asigin mekeat wogeisoagaluk karelegarek iti. Meke re, nit nen weak asigin dek meke woknisoagaluk yi meke ti meke hasik karelekhe lago.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Tesalonika 2:2

Ninoe Etagapogot wisigin itinem arat hagatlagama thalek, it akhuni aperek nen, “Allah Agoreke nen yigithogon yoknekhe mekeat,” iluk yokhisigik, it aperek nen, “Wene ebe yigithogon mekeat,” iluk yokhisigik, it aperek nen, wene nit nen holal waganho meke hasik, “Ebe yigithogon mekeat,” iluk yokhisigik, iliogei iti baga, hinetaiken ibat narlok-karlok iluk dil wasunogo iluk yokhisigi iti o.

Titus 3:2

It Allah a'buri iti nen, akhuni aperek inabok weak palhidegat, inane puk weak wenageisigidegat, it aperek nen inobabut ekagat hutdisoagaluk akhuni tha'bokhogonat inobasik inobabut enago hanorogonat hagakhe dogoagaluk inasuk wakhe dogonoat.

Ibrani 10:25

Nit ninoe iki dogoluk degat wisigin iluk ninilu iti nen, it aperek nit natogokhunem huk ageikharek iti hak, nit huk ageidek, oba eberek-eberek nit-nit ninetaiken ago warogo ninasuk wat-wat hagakhe dogouok o.

Ibrani 10:37

Allah ane baga yigithogon holal waganek werek, “At wisigin meke iti il opaki dogoluk nen wisigin. Erapigat dogoluk nen wisigin dek o. Ibat-ibarat wisigin o.

1 Petrus 1:11

Itithogon yogeisekhe lagoukha iti, at Kristus Agoreke inakla dogolik yogeisekhe dogolik, men isikhe, “Kristus aik hilik hilik watlasigin. Watlatluk nen yabokane iluk agunem hogorakhe dogogun,” iluk yogesasikhemo it nen ekhe dogoligat, “Nikithogon hagatlasigin. Meranem nen hagatlasigin,” iluk hinok hutukhogon waganhe lagoukha.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

A'bikaka 22:20

Nen, wene iti tha'bokhogonat, eberogonat iluk ekherek meke, at Yesus etnogo nenat, “An ibat-ibat wisigin o,” iluk iliogo. Itithogon isinem, an nen he, “Yesus noe. Hat ibat-ibat wisigin iti, ebeat asuak u hak, Amin, wetno,” iluk ekhe lagei.

A'bikaka 22:7

Itithogon yoknikhunem, at Yesus nen men yoknekhe, “Lakhan! An ibat-ibat wisigin o. Itithogon wagunem tha nen yi wene ti wene holal waganek meke yi asuk hologo mothogon hagakhe dogogin halok, Allah nen hanotdisinem akla arleken akhagein o,” iluk yoknekhe.