Filipi 4:4 - ALLAH ANE WENW KET MEKE WAROGO WOKNINAKHIKHE WENE

⁴ Halok he, nagarlak lak nerugi. Hit ninoe Etagapogot hinom hunik dogolik, hibiku-yogokuat hinakla arleken akhasi motok dogono. Yabokane nane ageikhe dagakhogon yokhisagat, Hinakla arleken akhasi motogat dogono.

Filipi 4:4 Iomraidhean Croise

La'isasikhe 16:25

Itithogon 'bisasikhemo dogolik, o hibako eketurlem Paulus Silas ipisak nen sembayan igik, Allah hogorasuogoluk etai wakhik, hagakhunem, it akhuni aperek iniki herle warek welagoukha meke inasuk holek welagoukha.

La'isasikhe 5:41

Ula'isugunem, it ap wene erlo pilinekhe lagoukha meke emenogo here'isalok dukhisukhasik nen, Yesus agarumi emenogo it-it ekhe dogolik, “Allah nen, Hit Yesus etaga hasik akhuni nen, Hit weak, iluk wenakhisaumo erlok, iluk akla apekhe tak-tak wenaknisega iti hano,” iluk inakla arleken akhalok dukhisukha.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

Galatia 1:8

Meke re, tha nen, it ap iti nen a, nit nen a, malaikat pogot oba meke nen a, hano wene nit nen yokhisasugu meke iti, thogotdisalok ninat meke, yokhisagun halok he, Allah nen homan 'bisoagat o.

Filipi 2:18

Itithogonat, hit hinakla arleken akhugunem, an nakla arleken akhausagat o.

Filipi 3:1

Nagarlak lak nerugi. Wene ilugun oba yokhisak nen ninoe Etagapogot hinom hunik dogolik, hinakla arleken akhekhe dogono, iluk igi iti o. It aperek nen weagathinakhidek hinebe hano dogobageik iluk, wene alep holal waganogo la'i agei mekeat, nape ale ageidegat yabokane nane dagakhogon yokhisageinat o.

1 Petrus 4:13

At Allah nen Kristus ebe thelekmaat la'i agunem, hogorasugun itinem, hinakla arleken akhauwogoluk, hinakla nen, “At Kristus oba yi aik ti aik hilik hilik watlageikhe hak, nit at ninom hunik dogolik itithogonat hekhe lago,” iluk hinakla arleken akhekhe dogono.