Filipi 4:10 - ALLAH ANE WENW KET MEKE WAROGO WOKNINAKHIKHE WENE

¹⁰ Hit alebageik, an noba ebetdiluk yomakneasigisip nen, yabokane noba eberek welagap mekeat he, nikithogon yomakneau heat welagagisip nen yogotak yomakneegep iti nen ninoe Etagapogot nipisak hunik dogolik nakla arleken motok akhekhe lagei.

Filipi 4:10 Iomraidhean Croise

2 Korintus 11:9

An hit ninom dogolik uang dek nen, hit nen aperek woknesuagaluk kino hinoba tiolhe lageidek o. Itithogon werekma, it ap nagarlak lak o Makedonia meke wageikhasik erlogat woknesi ageikha iti nen, yi meke ti meke hasik hit hinoba akinetdinogo iluk, apasigisikmo, kino yokhisigidek welagagisik yabokane itihogonat motok hagakhe dogogin o.

2 Korintus 6:7

Itithogon dogolik, Allah obatne baga ebe wene yogeisilik nekhe lago. Itithogon yogeisilik nekhe dogolik, akhuni nen he, “Sikhe thege niniki ebelak-ebelak hago welago,” iluk egarek hak, nit Allah akla warlok meke hagakhe lago iti, niniki ebelak-ebelak hago welago.

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Galatia 6:6

Nen, at ageikhe nen hamo wene yakulhisugunem, hit hinasuk holhe lagap meke nen hinameke hano meke iti yomakhekhe dogono.

Filipi 1:1

Hit Allah a'buri Kristus Yesus hinom hunik dogolik, o Filipi welagathep meke, hinebe tha'bokhogonat inom, hinougi Allah a'buri hakhisik welageikharek meke inom, Allah a'buri yomageisegarek meke inom, nagarlak lak nerugi. An Paulus Timotius nipisak nen Kristus atuaneke dogolik wene holal waganogo hinoba la'i ago iti o.

Filipi 1:3

An he, hibiku-yogoku hit hinoba eberek motok dogolik, nopase Allah at heagei wakhe lagei.