Filipi 3:1 - ALLAH ANE WENW KET MEKE WAROGO WOKNINAKHIKHE WENE

¹ Nagarlak lak nerugi. Wene ilugun oba yokhisak nen ninoe Etagapogot hinom hunik dogolik, hinakla arleken akhekhe dogono, iluk igi iti o. It aperek nen weagathinakhidek hinebe hano dogobageik iluk, wene alep holal waganogo la'i agei mekeat, nape ale ageidegat yabokane nane dagakhogon yokhisageinat o.

Filipi 3:1 Iomraidhean Croise

Lukas 1:47

Allah nen tilnakhe meke etnogo nen yigithogon hagatnakhemo nakla arleken kogat akhekhe lagei o.

Roma 5:11

Meke re, iti anek 'buk. Ninoe Etagapogot Yesus Kristus hagakhikhe iti baga, Allah ninom yabokane ninapuke hunogo 'binanhikhemo ninom dapukhogon hano welago iti nen, ninakla arleken akhekhe lago.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Efesus 6:10

Ilugun oba wene yi yokhisak. Ninoe Etagapogot hinom hunik dogolik, at obatne motok horleak etnogo baga, hinobatne hagatlarik dogono o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Filipi 4:4

Halok he, nagarlak lak nerugi. Hit ninoe Etagapogot hinom hunik dogolik, hibiku-yogokuat hinakla arleken akhasi motok dogono. Yabokane nane ageikhe dagakhogon yokhisagat, Hinakla arleken akhasi motogat dogono.

Filipi 4:8

Nagarlak lak nerugi. Wene ilugun oba yi ageikhe yokhisak. Hinakla ebekhe dogolik, hanorogon hagakhik, hogorinabusak meke hagakhik, hagariogei meke oba ebekhe dogono. Iti ebe re, wene eberogonat meke oba ebekhik, hogorasusak meke oba ebekhik, mothogon hagakharek meke oba ebekhik, weak meke thogotdiluk hano anek hagakharek meke oba ebekhik, inobabut heanerogon hagakharek meke oba ebekhik, inoba la'buk usak meke oba ebekhik, ebekho motogat dogono.

1 Tesalonika 4:1

Nagarlak lak nerugi. Wene ilugun oba ageikhe yi yokhisak. Nit ninoe Etagapogot Yesus nen, “Hinobabut Allah akla hanorogon, yigithogon hagakhe dogono, tigithogon hagakhe dogono,” iluk, isikhemo yakulhisa agagu etnogo hinilu. Itithogon yakulhisasugumo, hit nen itithogon hagakhe lagap mekeat he, yabokane ageikhe inom kokhogon hagakhe dogobageik iluk, ninoe Etagapogot Yesus ninom hunik dogolik hinasuk warogo yokhisigi iti o.

1 Tesalonika 5:16

Hinakla arleken akhasi motok dogono.

Yakobus 1:2

Nagarlak lak nerugi. Yi akin ti akin hinoba agunem hinakla arleken akhekhe dogono o.

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

1 Petrus 4:13

At Allah nen Kristus ebe thelekmaat la'i agunem, hogorasugun itinem, hinakla arleken akhauwogoluk, hinakla nen, “At Kristus oba yi aik ti aik hilik hilik watlageikhe hak, nit at ninom hunik dogolik itithogonat hekhe lago,” iluk hinakla arleken akhekhe dogono.

2 Petrus 3:1

Nagarlak lak nerugi. Hinebe nakmu lak o. Surat alep ageikhe holal waganogo hinoba la'i agagi iti men, yabokane la'i agei iti men, hit wene ebe hinilu mekeat, hinakla mothogon ebesubageik nen iluk la'i aga lagei iti.